Larunbatean jokatuko dira XIII. Euskal Herria Kopa 2023 edizioaren lehen partidak

Eibar – Osasuna

Eibar – Osasuna, Fanderian jokatuko da, Errenterian, Touring Kirol Elkartearen 100. urteurrenaren baitan. 19:00etan hasiko da. Sarrera doan izango da.

Bizkerre – Alaves

Bizkerre – Alaves ere larunbatean jokatuko da, Sondikako Basozabal futbol zelaian, ordu berean hasita, hau da, 19:00etan. Sarrera doan izango da.

XIII. Euskal Herria Koparen aurkezpena egingo da larunbatean

Larunbatean, bide batez, XIII. Euskal Herria Kopa aurkeztuko da medioen aurrean Fanderiako futbol zelaian 18:30etan, Eibar – Osasuna partida jokatu aurretik, hau da, Kopa hasteko unean bertan.

Izan ere, aurtengo XIII. Euskal Herria Kopa Jon Esturo Loiolaren omenez jokatuko da. Euskal Herria Kirola elkarteko talde sortzailekoa izan zen Jon Esturo, eta, bereziki, Euskal Herria Kopako sustatzailea. Jon Esturo Loiola 2022ko azaroan hil zen.

Aurkezpenean izango dira, hain zuzen, Jon Esturoren alaba Garazi eta Euskal Herria Kirolaren arduradun Kike Zurutuza.

Laburrean

Abuztuaren 12an jokatuko dira XIII. Euskal Herria Kopa 2023 edizioaren lehen partidak.

Euskal Herria Kopa bi mailetan antolatu da aurten ere, taldeen egutegiak ez digulako beste aukerarik utzi. Berez, lehiaketa batean jokatzekoa da Euskal Herria Kopa  Euskal Herriko herrialde guztietako taldeen artean, behetik gorako formatoan onenak finalera iristeko aukera izanda behintzat. Aurten ere ezin izan dugu horrela antolatu baina jarraituko dugu bestelako aukerak aztertzen Koparen berezko egitura bueltatzeko hurrengo edizioetan, azken urteetan behintzat beste aukerarik izan ez badugu ere.

10 klubetako 13 talde arituko dira lehian, Athletic, Reala eta Eibarren lehen eta bigarren taldeak izango baitira ‘A’ zein ‘B’ mailetan.

Abuztuan jokatuko dira sailkapen partida guztiak eta 3/4 postuetarako zein finalak irailaren 2/3an izango dira.

XIII. Euskal Herria Kopa ‘A’

‘A’ maila izango da maila nagusia. Bertan arituko dira Alaves, Athletic, Bizkerre, Eibar eta Reala taldeak. Bi multzotan jokatuko dira eta multzo bakoitzeko lehen sailkatua sartuko da finalean. ‘A multzoan’ arituko dira Bizkerre, Alaves eta Reala. Eta ‘B multzoan’, Eibar, Osasuna eta Athletic.

Finala irailaren 3an jokatuko da, Guardian (Araba)

‘A’ maila. Egutegia

.

XIII. Euskal Herria Kopa ‘B’

‘B’ maila izendatu dugun kategorian ere bi multzo izango ditugu: A multzoan arituko dira Real Sociedad B, Mulier eta Arratia; eta B multzoan Athletic C, Eibar C, Berriozar eta San Ignacio. Liga formatuan jokatuko da eta multzo bakoitzeko irabazleek finala jokatuko dute, irailaren 3an.

‘B’ maila. Egutegia

→ ehkirola.eus: VIII. Euskal Herria Kopa

→ ehkirola.eus: IX. Euskal Herria Kopa

→ ehkirola.eus: X. Euskal Herria Kopa

→ ehkirola.eus: XI. Euskal Herria Kopa

→ ehkirola.eus: XII. Euskal Herria Kopa

→ Wikipedia: Euskal Herria Kopa