EUSKAL PILOTA
Urrizak aurrerapauso handia eman du final berri bat jokatzeko
![Urriza-barrene-1080×675](https://ehkirola.eus/wp-content/uploads/2021/08/Urriza-barrene-1080x675-1.jpg)
Urrizak eta Barrenetxeak Buruz Buruko Txapelketako ligaxkako laugarren partida jokatu zuten pasa den larunbatean, non finalerako txartela lortzeko aukera guztiak eskuan izatea jokoan zegoen.
Azkeneko bost urteotako lehia klasikoak bihurtu dira Urriza eta Barrenetxearen artekoak. 2019-2020 denboraldian Barrenetxeak nagusitasuna eskuratu bazuen ere, 2020-21 sasoian Urrizaren alde erortzen ari dira norgehiagokak eta honakoan ere Barrenetxea IV.ari 30-22 gailendu zitzaion eta lider jarri da zortzi punturekin.
Gauzak horrela, Urriza gertuago dago final berri batetik Erremonteko Buruz Buruko Txapelketan. Esan bezala, Iruñekoa sailkapeneko liderra da orain zortzi punturekin, Ansa eta Barrenetxea lau punturekin berdinduta daude eta Juaneneak hiru puntu ditu.
Urrizak bere eskarmentua erakutsi zuen berriro ere larunbateko neurketan. 19-18ra arte Barrenetxea gertu zegoen, baina azken tantoetan aurrelari nafarrak ihes egin zuen. Urrizak beti pilotakada bat gehiago jotzea eskatzen du eta horrek kalte egin zion hernaniarrari.
Hasieran aurretik jarri zen Urriza 4-0 eta ez zuen inoiz burua galdu. Lau tantoko aldea izan zuen ia uneoro, baina Barrenetxea tanto bakarrera hurbildu zen birritan, 13-12 eta 19-18an. Bietan berdintzeko aukera izan zuen, baina aukera horrek ihes egin zion eta Urrizak 24-18 eta 27-21 egin zuen ihes. Ez zen beste aukerarik izan.
Barrenetxea ez zen lehen egunean bezain fin aritu sakearekin eta piloteoan 21 tanto egin zituen aurkari batek gainditu zuen. Barrenetxeak 13 tanto egin zituen. Sakearekin bost egin zituen hernaniarrak, baina ez ziren nahikoak izan.
Abuztuaren 21ko emaitzak, Galarreta
- Segurola-Murgiondo 40 Goikoetxea V.a-Labaka 39
- Urriza 30 Barrenetxea IV.a 22 BURUZ BURUKO TXAPELKETA
- Urrutia II.a-Zubiri 31 Loitegi-Martirena 40
Hurrengo jardunaldia, abuztuaren 26an Galarretan, 17:00
Segurola-Labaka vs. Urrutia II.a-Larrañaga
Urriza-Juanenea BURUZ BURUKO TXAPELKETA
Zaldua II.a-Martirena vs. Loitegi-Murgiondo
Malerrekako pilota erronkako ligaxka amaitu da
Mendaur eta Ekaitza izango dira aurrez aurre datorren igandeko finalean
Ansak eta Barrenetxeak partida ikusgarria irabazi dute
40-38 irabazi zieten Urriza eta Azpirozi mailako ikaragarriko partida batean
Sagardoaren Txapelketako hirugarren jardunaldia jokatu da
Oialume Zarrek eta Setienek finalerdietan sartzeko pauso garrantzitsua eman dute