HERRI KIROLAK/SOKATIRA
Sokatira Mundiala. Sokatira, kirol olinpikoa
![240447450_2752835558339914_3277588137910487123_n](https://ehkirola.eus/wp-content/uploads/2021/09/240447450_2752835558339914_3277588137910487123_n-e1631561259781.png)
Gure aro honetako olinpiaden hasieran, atletismoko kirol-mota guztiak Joku Olinpikoen egitarauaren barruan azaltzen ziren, sokatira ere bertan agertu zelarik 1.900tik 1.920rarte. 1.920 urteaz geroztik ordea egitarautik at geratu zen Nazioarteko Batzorde Olinpikoak (COI) hartutako erabaki baten ondorioz. Erabaki horren asmo nagusia jokoetako partehartzaile kopurua murriztea izan zen baina horren eraginez sokatira kaltetua atera zen, nazioarte mailako bere hedapena geldiarazi zuelarik.
Ba al zenekien sokatira Kirol olinpikoa bilakatu zela 1900-1920 artean?
Gure garaiko olinpiadetan kirol modalitate guztiak zeuden programan, baita sokatira bera ere.
Deialdi olinpikoetan parte hartu zuen 1.900 eta 1.920 artean, Nazioarteko Batzorde Olinpikoaren (NOB) gehiengoaren bozketaz ezabatu zelarik.
Sokatira presente egon zen lehen olinpiaden emaitzak:
➡ 1.900 PARIS
Urrea: Suedia/Frantzia
Zilarra: AEB
Brontzea: Danimarka
➡ 1.904 SAN LOUIS (AEB)
AEBek hiru dominak eskuratu zituen
➡ 1.908 LONDRES
Britainia Handiak lortu zituen dominak kategoria guztietan
➡ 1.912 STOCKHOLM
Urrea: Suedia
Zilarra: Britainia Handia
Brontzea: Britainia Handia
➡ 1.920 ANBERES
Urrea: Britainia Handia
Zilarra: AEB
Brontzea: Herbehereak
1920an, sokatira kirol olinpikoa izan zen azkenekoz, Anberesen. Parte hartzaileak bost izan ziren: Britainia Handia, AEB, Belgika, Holanda eta Italia. Britainia Handiak Belgika garaitu zuen bi tiralditan. Lehenak 29 segundo eta 4 hamarren iraun zuen, eta bigarrenak berriz 38 segundo. Bitxikeri gisa, aipatu daiteke Britainia Handiko taldea Londresko poliziek osatzen zutela. Bigarren posturako, AEBk Holandaren aurka lehiatu behar zuen, baina gaizkiulertu baten ondorioz, azken hauek Anberesetik joandakoak ziren eta beraz bigarren postua amerikar taldeak lortu zuen.
Garbiñe Lopez de Uralde eta Ion Lapazaran garaile, Euskal Herriko trontza misto txapelketan
Bigarren Ainhoa Iraizoz eta Josetxo Barberena sailkatu ziren eta Sela Goñi eta Jesus Goñik osatu zuten podioa
Jokin Eizmendik irabazi du Harri Handien Gipuzkoako Txapelketa
Iñigo Eizagirre izan da bigarren, Jon Unanue hirugarren eta Aimar Galarraga laugarren
Mikel Larrañagak irabazi du Gipuzkoako Aizkora Txapelketa
Azpeitiarraren ondoren sailkatu ziren, hurrenez hurren, Eneko Otaño beizamarra eta Julen Alberdi Txikia IV.a azkoitiarra