EUSKAL PILOTA
Saralegi-Galarza eta Irazustabarrena-Arrieta txapeldun
![207583505_4735529789796921_8393569085481007418_n](https://ehkirola.eus/wp-content/uploads/2021/06/207583505_4735529789796921_8393569085481007418_n.jpg)
Argazkiak: emakumemastercup.eus
Etxarri-Aranatzek emakumezkoen gomazko paletako jaialdi historikoa hartu zuen pasa den larunbatean, arratsaldeko 18:00etan hasita, ez bakarrik Nafarroako Foru Komunitateko I. Txapelketako lehen txapelak banatu zirelako lehen mailan eta eliteetan, baizik eta dena eskatu modura irten delako oroitzapenerako geratuko den jardunaldi borobil batean.
Hasteko, Sakanako pilotalekuaren edukiera txiki geratu zen bildutako pilotazale guztiak hartzeko eta, osasun-protokoloa hertsiki jarraituz, zale horietako batzuk kanpoan geratu behar izan ziren, jaialdiak zuzenean eman dituen Navarra Televisión-en partidak jarraitzeko aukerarekin.
Baina onena zortzi finalistek eskainitako maila paregabea izan zen, izan ere, sortutako ikusminari bi partida bikainekin erantzun zioten, oso lehiatuak, eta pilotazale guztiak ase zituztenak. Lehen mailako finalean, Maider Saralegik eta Maddi Galarzak 21 eta 25 gainditu zituzten Eskala eta Mendinueta azken txanpan erabaki zen lehia ezin orekatuago batean.
Eta eliteetan, Amaia Irazustabarrenak eta Ariane Arrietak 25-17 irabazi zuten, Ane Isasmendiren eta Irati Ruiz de Azuaren aurka, azken emaitza engainagarria izan daitekeen arren, izan ere, berdinketa izan zen nagusi partida osoan zehar. 17. tantora arte berdindua joan zen lehia baina une horretatik aurrera irabazleen ofizioak eta kalitateak aldea markatu zuten.
Azken finean, ezer gutxi gehiago eska dakioke Nafarroako Foru Komunitateko Txapelketaren lehen esperientzia honi, eta hori kontutan hartuta oraindik beste egun handi bat geratzen dela, uztailaren 3an Iruñeko Nafarroa Arenan esku-huskako finalak jokatuko baitira.
EMAITZAK
Lehen maila: Eskala-Mendinueta 21 Maider Saralegi-Maddi Galarza 25
Eliteak: Ane Isasmendi-Irati Ruiz de Azua 17 Amaia Irazustabarrena- Ariane Arrieta 25
IV. Bergara Hiria Emakumezkoen pilota txapelketako finalak jokatu dira
Mendizabal-Arrizabalaga nagusien mailan eta Barrocal-Gaminde promesetan, izan dira txapeldunak
Elite World 2021 One Wall Txapelketa jokatu da Valentzian
Euskal Herria ordezkatuz, Miren Larrarte txapeldunorde geratu da eta Lur Ziarrustak brontzezko domina eskuratu du
Ansa eta Martirenak garaipena lortu dute haien debutean
40-33 irabazi zieten Juanenea eta Aizpuru III.ari, Binakako Erremonte Txapelketaren hirugarren jardunaldian