FUTBOLA / XIII. EUSKAL HERRIA KOPA
Reala “B”-k eraman du bere kategoriako txapela
“B” mailako finalean 0-2 nagusitu dira txuriurdinak Athletic C-ren aurka
Euskal Herria Kopa bi mailetan antolatu da aurten ere, taldeen egutegiak ez digulako beste aukerarik utzi. ‘B’ maila izendatu dugun kategorian ere bi multzo izan ditugu: A multzoan aritu dira Athletic C, Eibar C, Berriozar eta San Ignacio, eta B multzoan berriz, Real Sociedad B, Mulier eta Arratia.
A multzoari dagokionez, Athletic C taldea izan da jaun eta jabe, jokatutako hiru partidak irabazita eta gol zaparrada lortuz. Bigarren eta hirugarren San Ignacio eta Berriozar izan dira, hurrenez hurren, biak lau punturekin, eta Eibar C sailkatu da laugarren postuan.
“A” MULTZOKO SAILKAPENA
| TALDEA | Pt. | J | I | B | G | AG | KG |
|---|---|---|---|---|---|---|---|
| ATHLETIC C | 9 | 3 | 3 | 0 | 0 | 14 | 2 |
| SAN IGNACIO | 4 | 3 | 1 | 1 | 1 | 7 | 7 |
| BERRIOZAR | 4 | 3 | 1 | 1 | 1 | 7 | 8 |
| EIBAR C | 0 | 3 | 0 | 0 | 3 | 1 | 12 |
B multzoan aldiz, Reala B-k eskuratu du multzoko lidergoa bere bi norgehiagokak emaitza berdinarekin irabaziz (2-0). Bigarren postua Mulierrentzat izan da Arratia garaitu ondoren, eta azken hauek sailkatu dira hirugarren postuan.
“B” MULTZOKO SAILKAPENA
| TALDEA | Pt. | J | I | B | G | AG | KG |
|---|---|---|---|---|---|---|---|
| REALA B | 6 | 2 | 2 | 0 | 0 | 4 | 0 |
| MULIER | 3 | 2 | 1 | 0 | 1 | 1 | 2 |
| ARRATIA | 0 | 2 | 0 | 0 | 2 | 0 | 3 |
Beraz, Reala B eta Athletic C sailkatu ziren finalerako, zeina Durangon jokatu zen atzo, irailak 2, Tabirako futbol zelaian, arratsaldeko 18:00etatik aurrera.
Bertan, Reala nagusitu zen 0-2 zurigorrien aurkako lehian, hartara bere kategoriako txapela jantzi zutelarik. Sailkapen fasean jokaturiko bi partidetan ere emaitza berdinarekin gailendu zitzaizkien txuriurdinak Arrratia eta Mulier taldeei.
Atzo jokatu zen ere, Arratia eta Eibar C-ren arteko neurketa, Igorren, arratsaldeko 15:30ean. Berdinketa izan ostean (2-2), gol averageagatik sailkatu da bosgarren Arratia eta seigarren Eibar C.
Bestalde, gaur jokatu da “B” kategoriako hirugarren eta laugarren postuak zehazteko lehia, San Ignacio eta Mulierren artekoa, San Ignacioko udal kiroldegian, eguerdiko 12:00etan hasita. Lehia parekatua izan da eta azkenean bana berdindu dute markagailuan. Penaltietan berriz, 4-3 irabazi du San Ignaciok, hartara B mailako hirugarren postua eskuratuz, Mulier laugarren sailkatu delarik
‘B’ maila. Egutegia | Emaitzak
| 'B' MAILA | TALDEA | EMAITZA | TALDEA | KRONIKA |
|---|---|---|---|---|
| A multzoa | ||||
| 2023.08.16 18:00 UDAL KIROLDEGIA San Ignacio | San Ignacio | 5 - 0 | Eibar C | ehkirola.eus |
| 2023.08.16 20:00 Berriozar | Berriozar | 1 - 6 | Athletic C | ehkirola.eus |
| 2023.08.19 17:30 UNBE Eibar | Eibar C | 0 - 2 | Athletic C | ehkirola.eus |
| 2023.08.19 12:15 Berriozar | Berriozar | 1 - 1 | San Ignacio | ehkirola.eus |
| 2023.08.26 12:15 Berriozar | Berriozar | 5 - 1 | Eibar C | ehkirola.eus |
| 2023.08.26 17:00 UDAL KIROLDEGIA San Ignacio | San Ignacio | 1 - 6 | Athletic C | ehkirola.eus |
| B multzoa | ||||
| 2023.08.19 11:00 URBIETA Igorre | Arratia / | 0 - 2 | / Reala B | ehkirola.eus |
| 2023.08.23 19:00 SAN DONATO Etxarri | Mulier | 0 - 2 | Reala B | ehkirola.eus |
| 2023.08.26 12:15 Mulier | Mulier | 1 - 0 | Arratia | ehkirola.eus |
| 'B' 5/6 | ||||
| 2023.09.02 | Arratia | 2 - 2 | Eibar | ehkirola.eus |
| 'B' 3/4 | ||||
| 2023.09.03 | San Ignacio | 1 - 1 | Mulier | ehkirola.eus |
| 'B' FINALA | ||||
| 2023.09.02 | Athletic C | 0 - 2 | Reala B | ehkirola.eus |
→ ehkirola.eus: VIII. Euskal Herria Kopa
→ ehkirola.eus: IX. Euskal Herria Kopa
→ ehkirola.eus: X. Euskal Herria Kopa
→ ehkirola.eus: XI. Euskal Herria Kopa
→ ehkirola.eus: XII. Euskal Herria Kopa
→ Wikipedia: Euskal Herria Kopa
Mastodon
Mastodon
Oiartzun-Athletic penaltika erabaki da
FUTBOLA/EUSKAL HERRIA KOPA Atzo jokatu zen paisai zoragarria duen Beltzenea Hendaiako futbol zelaian Euskal Herriko emakumezkoen V.futbol koparen lehen final erdia (hurrregoa Real Sociedad-Aurrera de Vitoria Berriozarren jokatuko da...
Athletic hirugarrenez garaile Euskal Herriko Emakumezkoen Futbol Kopan
FUTBOLA/EUSKAL HERRIA KOPA Bilboko Aste Nagusiaren barruan, giro ezin hobea izan da Bilboko Mallona zelaian Athletic eta Realak jokatu duten Euskal Herriko Emakumezkoen IV Futbol Kopako finalean. Bilboko Konpartsek eta Euskal Herria Kirolak...
Aurrera doa Aurrera Emakumezkoen kopan
FUTBOLA/EUSKAL HERRIA KOPA Lehia handiko partida ostiral arratsaldean Olaranben bizi izan genuena. Aurrera de Vitoria indartsu dabil aurten, eta horren erakusgarri da 3-1 nagusitu zitzaiola Arrasateri, gol guztiak 2. zatian. Gipuzkoarrek beren maila hoberena...