Euskal Herriko Itzuliaren 60. edizioa txirrindulari bikainekin eta errepideetan ikuslerik gabe hasi da, astelehenean Bilbo lehen etapa lehiatu zelarik. Etapa laburra baina gogorra izan zen, eta Primož Roglic (141, Jumbo-Visma) izan zen irabazlea eta sailkapen nagusiko lehen liderra beraz.

Esan bezala, Roglic esloveniarrak  irabazi zuen Itzuliko lehen etapa, Bilboko kaleetan zehar korritu den 13,9 kilometro erlojupekoa, gainontzeko faboritoei denbora irabazita.

Bere atzetik Brandon McNulty estatubatuarra (UAE-Team Emirates) helmugaratu zen, irabazlearengandik 2 segundora. Hirugarren Jonas Vingegaard (Jumbo) daniarra izan zen 18 segundora eta laugarrena Tobias Foss (Jumbo) 24ra. Tadej Pogacar (UAE) herrikidea bosgarren tokian sailkatu zen, 28 segundora, eta Adam Yatesek (Ineos) ere irabazleak baino 28 segundo gehiago behar izan zituen erlojupekoa amaitzeko.

Alex Aranburu (Astana) izan zen lehen euskal txirrindularia, 9. postuan, Pello Bilbao eta Omar Fraileren aurretik. Mikel Landak (Bahrain), esaterako, 49 segundo galdu zituen 25. postuan helmugaratuta  eta Ion Izagirrek (Astana), 2019ko Itzuliko irabazlea, 1.09ko atzerapena izan zuen, 42. postuan ailegatuta.

Mendiko maillota Tadej Pogacarrek irabazi zuen eta McNulty, etapako bigarrena, gazterik onena izan zen.

Sailkapena:

1. Primoz Roglic (Jumbo) 17:17
2. Brandon McNulty (UAE) 2 segundora
3. Jonas Vingegaard (Jumbo) 18ra
4. Tobias Foss (Jumbo) 24ra
5. Tadej Pogacar (UAE) 28ra          
6. Adam Yates (Ineos) d.b.
7. Patrick Bevin (Israel) d.b.
8. Ide Schelling (Bora) 29ra
9. Álex Aranburu (Astana) 30ra
10. Max. Schachmann (Bora) 31ra
11. Pello Bilbao (Bahrain) 38ra
12. Omar Fraile (Astana) 40ra
13. Mikel Landa (Bahrain) 49ra

33  V. De la Parte (Total)  1:01ra

43. Ion Izagirre (Astana) 1:09ra
44. Oscar Rodríguez (As,) 1:16ra
45. Urko Berrade (Kern) 1:36ra
46. Txomin Juaristi (Eus.) 1:45ra
47. Oier Lazkano (C. Rural) 1:48ra
48. Mikel Aristi (Euskaltel) 2:02ra
49. Gotzon Martin (Eusk.) 2:04ra
50. Jonathan Lastra (C. Rural) 2:07ra
51. Mikel Bizkarra (Euskaltel) 2:08ra
52. Mikel Nieve (Bike Exchange) 2:09ra
53. Jon Barrenetxea (C. Rural) 2:20ra
54. Mikel Iturria (Euskaltel) d.b.
55. Ander Okamika (Burgos) 2:22ra
56. Jon Aberasturi (Caja Rural) 2:38ra
57. Jon Agirre (Kern Pharma) 2:41ra
58. Unai Cuadrado (Euskaltel) 2:46ra
59. Jon Irisarri (Caja Rural) 3:02ra

Astearte honetan jokatuko da  Itzuliko bigarren etapa, Zalla eta Sestao artean (154,8 kilometro), hiru mendate igoko direlarik: hirugarren mailako San Kosme eta Bezi, eta bigarren mailako La Asturiana.

Itzuliaren Palmaresa