EUSKAL PILOTA
Ostiral honetan hasiko da Aretan 2020ko E.H-ko 4 1/2-ko Elite txapelketa
Euskadiko Euskal Pilota Federakuntzak, Laudio Udala eta Herriaren pilota Elkartearekin batera antolatzen duen 4 1/2-ko Elite txapelketa, ostiral honetan, abenduak 18, hasiko da Aretan, aurreneko finalaurdena jokatuta: Aurrekoetxea (Lemoa) vs Maiz (Behar-Zana).
Egoera normalean azaroan zehar jokatzen den Eliteko txapelketa hau abenduan jokatzen hasi eta arazorik baldin ez badago otsailaren 12an bukatuko da. Bertan 8 pilotarik parte hartuko dute eta kopa sistemako formatuan jokatuko dute.
Txapelketa honetan parte hartzeko irizpideak 2019ko azaroaren 30an ospatutako Batzar Orokorrean onartu ziren:
-4 pilotari: Arabako, Bizkaiko, Gipuzkoako eta Nafarroako federazioek antolatzen dituzten aurreko denboraldiko 4 ½ txapelketetako txapeldunak. Federazioren batek txapelketa antolatzen ez badu bere lurraldeko pilotari bat hautatu beharko du lurraldeko ordezkari gisa.
-2 pilotari: aurreko denboraldiko ezker paretako 4 ½-ko Elite txapelketako finalistak.
-2 pilotari: irizpide teknikoz.
Aurtengo txapelketaren egutegia honela antolatuko da:
Lehengo final-laurdena: 2020/12/18 Aurrekoetxea (Lemoa) vs Maiz (Behar-Zana).
Bigarren final-laurdena: 2021/01/08 Espinal (Uharte) vs Ibañez (Zaramaga).
Hirugarren final-laurdena: 2021/01/15 Karregal (Adiskide) vs Ongay (Irurtzun).
Laugarren final-laurdena: 2021/01/22 J. Alberdi (Tolosa) vs A. Etxebarria (Lemoa).
Lehenengo finalerdia: 2021/01/29. 1. final-laurdeneko irabazea vs 2. final-laurdeneko irabazlearen aurka.
Bigarren finalerdia: 2021/02/05 3. final-laurdeneko irabazlea vs 4. final-laurdeneko irabazlearen aurka.
Finala: 2021/02/12
COVID-19ak sortutako osasun larrialdiaren ondorioz, momentu honetan, txapelketa ikuslerik gabe jokatu beharko da, baina Euskadiko Euskal Pilota Federakuntzako sare sozialetan, streaming bidez ikusteko aukera egongo da eta finala ETBtik emango da.
UTS Master Txapelketa gaur hasiko da bi finalerdiekin
Igande honetan, Barrenetxea IV.a-Juanenea eta Urriza-Ansa partidak jokatuko dira
Elite mailako finalerdiak erabaki dira Malerrekako pilota txapelketan
Oskoz-Irurita (Oberena) vs. Iriarte-Gaskue (Buruzgain) eta Astiz-Sarasa (Buruzgain) vs. Canabal-Aldabe (Oberena) izango dira emango diren lehiak
Paxaka txapelketako laugarren jardunaldia jokatu dute Iruritan
Datorren igandean lehen faseko azkeneko jardunaldia jokatuko dute eta finalerdietan arituko diren lau hirukoteak zehaztuko dira