MENDIKO LASTERKETAK
Onditz Iturbek eta Aitor Ajuriak lineako txapelak jantzi dituzte
Eguraldi kaxkarrari aurre eginda, goizeko 9:30ean hasiera eman zioten, Altzania Mendi Klubak antolatutako Mitxarro Bira lasterketari, aurten, Euskal Mendizale Federazioaren Mendi Lasterketen Euskadiko Txapelketarako (lineako modalitatean) baliagarria izan den proba.
Abiapuntua Araian zegoen kokatuta eta guztira 27,5 kilometroko ibilbidea osatu behar izan zuten partehartzaileek, 1.775 metroko desnibel positiboarekin (punturik garaiena Aratz mendia izan zen).
Emakumezkoetan, Onditz Iturbe nagusitu zen erabat eta sasoi betean dagoela erakutsi zuen berriro ere (iragan astean Gorbeia Suzien proban, bigarren postuan sailkatu zen), 3:00:58ko denbora eginda helmugaratu zelarik. Eguraldiaren baldintzak ikusita Iturbek balentria burutu zuela esan daiteke, 2019an Maite Maiorak eginiko errekorra bost minututan hobetu baitzuen. Bigarren postuan promesa mailako Araitz Villa sailkatu zen, bizkaitarrarengandik 14 minutura eta hirugarrena Andrea Garay izan zen, Villak baino sei minutu gehiago egin zituelarik azken honek.
Mutiletan berriz, Aitor Ajuria izan zen azkarrena, promesa kategoriakoa izanda ere, seniorren ibilbidean lehiatu zelarik. 2:29:31ko denborarekin aise irabazi zuen, eta berak ere errekor berria ezarri zuen, 2017ko Aritz Kortabarriaren denbora bi minututan hobetuta. Bigarren Borja Zubizarreta izan zen (2:34:48) eta hirugarren Javier Goitia (2:34:49).
Euskadiko Lineako Mendiko Lasterketen Txapelketako sailkapena
Gizonezkoetan
🏅 Aitor Ajuria 2:29:31
🥈 Borja Zubizarreta 2:34:48
🥉 Javier Goitia 2:34:49
Nesketan:
🏅 Onditz Iturbe 3:00:58
🥈 Araitz Villa 3:14:17
🥉 Andrea Garay 3:20:20
Asteburuan, Euskal Mendizale Federazioak antolatutako Mendi Lasterketen Euskadiko Txapelketen hitzorduetako bat kilometro bertikalaren lasterketa izan zen. Ibilbidea 4,8 kilometro eta 850 metroko goranzko desnivela zuen eta Ainara Uribarri zein Asier Larruzea izan ziren txapeldunak .
Euskadiko Lasterketa Bertikalen Txapelketako sailkapena:
Gizonezkoak
🏅 Asier Larruzea 36:41
🥈Hodei Samaniego 36:51
🥉Beñat Catarain 37:18
Nesketan,
🏅Ainara Uribarri 45:08
🥈Andrea Garay 45:31
🥉Igone Campos 46:39
TwitterDiego Cuadrado eta Laura Garcia azkarrenak Gasteiz Hiriaren 14. edizioan
LASTERKETAK Goizeko 11:00etan eman dio hasiera Jon Esturo EH Kirola Elkarteko kideak Gasteiz Hiria XIV. Herri Lasterketari. 500 bat lagun aurkitzen ziren irteera marraren atzean Gasteiz zeharkatuko zituen 10 kilometroak egiteko prest. Eguraldia lagun, adin...
Luis Maria Urizar nuevo líder del circuito tras la victoria conseguida en Amurrio
LASTERKETAK/MENDI DUATLOIA Amaia Luquin sige como lider en la clasificación femenina Los corredores que tomaron la salida en la séptima prueba del II. Circuito de Duatlon de Montaña de Euskal Herria celebrada en Amurrio, tuvieron la compañía de la lluvia...
Erguin y Luquin se imponen en Azpeitian
LASTERKETAK/MENDI DUATLOIA Ninguno de los dos dieron opción a la sorpresa Aunque la lluvia no dio tregua durante todo el día, 104 fueron los corredores inscritos en la sexta prueba del circuito de duatlón de montaña de Euskal Herria celebrado en Azpeitia. Los...