HERRI KIROLAK/SOKATIRA
Nafarroako launakako sokatira txapelketa larunbatean hasiko da
![567567](https://ehkirola.eus/wp-content/uploads/2022/04/567567.jpg)
Nafarroako 4x4ko Sokatira txapelketa hasiko da datorren larunbatean, apirilaren 23an, Lekunberrin. Gizonezkoen eta emakumezkoen kategoria bakoitzeko bi jardunaldi jokatuko dituzte eta mistoan, aldiz, bakarra. Bigarren jardunaldia apirilaren 30ean jokatuko dute Lesakako udal pilotalekuan (17:00).
Lekunberriko lehen jardunaldian, emakumezkoak 255 kilotan eta gizonezkoak 320 kilotan lehiatuko dira. Gizonezkoetan, orotara bost talde arituko dira lehian: Txantrea, Beti Gazte, Berriozar, Amaiur eta Antsoain. Emakumezkoetan, berriz, Amaiurrek bi laukote aterako ditu, Araxesek bezala. Beti Gazte, Antsoain eta Txantrea ere lehiatuko dira. Kategoria hauetako bigarren eta azkeneko jardunaldia maiatzaren 7an jokatuko dute Antsoainen eta bertan banatuko dituzte txapelak. 20 urtez azpiko eta kadete mailako lehen jardunaldia ere orduan jokatuko da.
Tartean, apirilaren 30ean Lesakan txapelketa mistoa jokatuko dute (280 kilotan). Amaiurrek hiru talde aterako ditu, bina Beti Gaztek eta Berriozarrek eta bana Antsoainek eta Araxesek.
Maiatzaren 14an, Betelun, emakumezkoen eta gizonezkoen pisu arinetako (235 eta 300 kilo) lehen jardunaldia eta 20 urtez azpiko eta kadete mailako txapelketaren bigarren jardunaldia jokatuko dituzte. Emakumezkoen pisu arinean, Araxes A, Araxes B, Amaiur, Berriozar, Beti gazte eta Txantrea arituko dira. Gizonezkoen pisu arinean, aldiz, Amaiur, Berriozar eta Txantreak bina talde aterako dituzte eta Beti Gaztek eta Antsoainek bana.
Azkenik, maiatzaren 21ean jokatuko dute azkeneko jardunaldia Berriozarren. Emakumezkoen 235 kiloko eta gizonezkoen 300 kiloko txapela bertan erabakiko da eta 20 urtez azpikoek eta kadeteek hirugarren jardunaldia, eta jarraian, lehen bi sailkatuen arteko finalak izango dituzte.
[BIDEOA] Jon Redondo: “Ofizialtasunerako ez dago arazo juridikorik, borondate kontua da”
[BIDEOA] Eusko Jaurlaritzako Kirol Zuzendariari elkarrizketa, ofizialtasuna lortzeko ekimenaz
Jon Redondo: «TASeraino lagunduko diegu nazioartean lehiatzea eskatzen duten federazioei»
Eusko Jaurlaritzako Kirol Zuzendariari elkarrizketa, Euskal Selekzio nazionalen norabideaz
Euskal Herria sokatiran, Hegoafrika 2018 Munduko Txapelketatik bueltan
Lur Gaineko Sokatira 2018ko Munduko Txapelketa egin da irailaren 19tik 22ra Lurmutur Hirian (Hegoafrika). Euskal Herriko ordezkaritza ofizialak zazpi domina ekarri ditu.