MENDIKO LASTERKETAK/EUSKAL SELEKZIOA
Mendi lasterketetako Euskal Selekzioa etxean gelditzen da (V)
![ESL_mNsX0AANJzV_content](https://ehkirola.eus/wp-content/uploads/2020/04/ESL_mNsX0AANJzV_content-e1587111920492.jpg)
Mendiko Euskal Selekzioak Etxean Gaude lelopean egitasmoa antolatu du Euskal Mendizaleen Federazioak, selekzioaren parte diren korrikalariek egun pairatzen ari garen egoeran, egunerokotasunean nola moldatzen diren ezagutzeko
EMF
Azkenaldian, mendiko diziplina ezberdinetako kirolariak ere, etxean daude COVID-19aren ondorioz. Euren jarduna nolakoa izaten ari den jakiteko, egunero, kirolari ezberdin baten geldialdiaren berri ematen joango gara. Honakoan, Mikel Linacisoro Molina (2000, Bergara, Gipuzkoa), Euskal Selekzioko eskalatzailearen hitzak jaso ditugu.
1. Nola pasa duzu berrogeialdia?
Egia esanda, ez zait oso gogorra egin. Eskalada eta unibertsitatea dela eta, oso denbora gutxi izaten dut familiarekin egoteko, eta egoera hau aparta izan da denbora hori berreskuratzeko eta indarberritzeko. Ikasteko eta entrenatzeko errutinak jarraitzen, egunak oso azkar pasa dira.
2. Zer egin zenuen kirola egiteko baimena eman zuten lehen egunean?
Mendira joan nintzen. Etxetik oso gertu daukat mendia, eta asko botatzen nuen faltan. Naturarekin bat egiteko beharra neukan.
3. Zein egutegi egiteko asmoa zeneukan aurten?
Konfinamenduaren aurretik, txapelketa asko neuzkan egutegian. Orain, gehienak, atzeratu edo eten egin direnez, nire egutegia erabat aldatu da, eta mendira arrokan eskalatzera joateko gogo galanta daukat. Urte osoan zehar, arrokan eskalatzeko egin nahi ditudan bidaiak planifikatzen hasi naiz jada.
4. Uztailetik aurrera zerbait jokatuko denaren esperantzarik baduzu?
Ez dut uste. Espainiako Txapelketa egitea espero dut, baina ez dut esperantza askorik nazioarteko txapelketetan. Hala ere, asko gustatuko litzaidake egoera hobetzea, eta bai Europako Txapelketan zein Munduko Kopan parte hartzea!
5. Zein ziren 2020rako zure helburuak?
Epe laburrean, lehenik, azterketak gainditzea. Gero, ahalik eta gehien mendian eskalatuz disfrutatzea, eta posible bada, berriro ere 9 graduko bideren bat kateatzea!
Aritz Lasa eta Aitziber Ibarbia garaile Larraulgo mendi lasterketan
Gizonezkoetan, Juan Garikano eta Iban Bengoetxeak osatu zuten podiuma eta emakumezkoetan, Marian Roja eta Maialen Segurolak
Onditz Iturbek eta Aitor Ajuriak lineako txapelak jantzi dituzte
Kilometro bertikalaren lasterketan berriz, Ainara Uribarri eta Asier Larruzea nagusitu ziren
Raul Criado eta Charlotte Morgan gailendu dira XII. Flysch Traileko maratoian
Maratoi erdiko irabazleak, berriz, Geoffrey Ndungu eta Joyce Njeru izan dira