EUSKAL PILOTA
Malerrekako XIX. pilota txapelketako finalistak zehaztu dira
![Canabal-Aldabe_tokikom_700x700](https://ehkirola.eus/wp-content/uploads/2021/02/Canabal-Aldabe_tokikom_700x700.jpg)
Argazkiak: Erreka K.E.
Malerrekako XIX. eskuz binakako pilota txapelketan elite eta senior mailako finalerdiak jokatu zituzten pasa den asteazkenean eta ostegunean hurrenez hurren, Doneztebeko Ezkurra pilotalekuan.
Elite mailako finalerdiak, asteazkenean jokatu ziren, arratsaldeko 18:30ean, non Oberena eta Buruzgain elkarteetako bikoteen arteko lehia eman zen:
Oskoz eta Irurita (Oberena), 22 – Iriarte eta Gaskue (Buruzgain), 18
Astiz eta Sarasa (Buruzgain), 14 – Mata (Oberena) eta Azanza (Irurtzun), 22
*Bigarren finalerdian, Canabal eta Aldabe igantziarrak aritzekoak ziren, baina lesioen ondorioz, ez zuten ez batak ez besteak jokatzerik izan, haien ordez Mata eta Azanza aritu zirelarik.
Senior mailako finalerdiak berriz, ostegunean jokatu ziren ordutegi berdinean, emaitzak honakoak izan zirelarik:
Landa eta Agirre (Oberena), 22 – Txoperena (Oberena) eta Gurrea (Larraun), 16
Igoa eta Santamaria (Oberena), 22 – Ariztegi (Txaruta) eta Cordon (Oberena), 15
Gauzak honela, joan zen igandean kategoria txikienetako finalerdiak jokatu zirelarik eta asteazkenean elite mailakoak eta ostegunean senior mailakoak lehiatuta, otsailaren 20an Doneztebeko Ezkurra pilotalekuan jokatuko diren finaletako protagonista guztien izenak jakinak dira dagoeneko.
Benjaminetan, Arkupe elkarteko Urko Telletxea igantziarra eta Jon Madariaga lesakarra, Oberenako Mauleon eta Remirezen kontra arituko dira; alebinetan, Oberenako Rekalde eta Laso, Buruzgaingo Barbarin eta Iribarrenen kontra; infantiletan, Txarutako Prim eta Goienetxe, Irurtzungo Igoa eta Oberenako Nazabalen kontra; kadeteetan, Errekako Apezetxea eta Agesta, Oberenako Sanchez eta Garciaren kontra; jubeniletan, Iriarte (Larraun) eta Peñalver (P.P. San Sebastian), Oberenako Ibarra eta Murilloren kontra; seniorretan Oberenako Landa eta Agirre, Igoa eta Santamaria taldekideen kontra eta elite mailan azkenik, Oberenako Oskoz eta Irurita, Oberenako Mata eta Irurtzungo Azanzaren kontra.
Aldaik eta Mendizabalek osatuko dute Nafarroa Arenako finala
Lizarrak bere emakume pilotariei egin dien omenaldi hunkigarriaren ostean
Hastear da Nafarroako Foru Komunitateko txapelketa gomazko paleta modalitatean
Guztira 54 pilotarik hartuko dute parte, hiru mailatan banatuta: kadeteak, 22 urtez azpikoak eta elitea
Ansa II-Juanenea eta Urriza-Zubiri, finalerdietarako bidean
Aldabe eta Larrañaga aldiz, sailkatzeko aukerarik gabe geratu dira