MENDI LASTERKETAK
Loatzoko Igoera-Jaitsiera bertan behera geratu da
![14067422113_2a881bda83_z](https://ehkirola.eus/wp-content/uploads/2020/04/14067422113_2a881bda83_z.jpg)
Apirilaren 26an zen ospatzekoa XXVIII. Loatzoko igoera-jaitsiera baina proba ez egiteko erabakia hartu du antolakuntzak, koronabirusak eragindako osasun-larrialdia dela eta
Urteroko legez, aurten ere, Loatzoko igoera-jaitsiera antolatua zuten Amasako Martina elkarteak eta Uxo-Toki elkarteak elkarlanean. Apirilaren 26an zen jokatzekoa mendi lasterketa, Amasan hasi eta Loatzo mendira igo ondoren, Amasan bukatzen dena.
Tradizioari eutsiz, aurten XXVIII. edizioa beteko zuen mendi lasterketa apirileko azken iganderako aurreikusia zegoen, irteera goizeko 10.30ean egingo zelarik Uxo-Toki elkartetik.
Amasako plaza 90 metrotan dago eta Loatzoko gaina 631 metrotan. Lasterketaren helburua da korrikalari bakoitza Loatzora igo eta berriro irteera tokira itzultzea eta horretarako ordu-muga izaten du: ordubete eta 30 minutu baino lehen egin beharko du. Parte hartzaileek guztira, 9,73km-ko ibilbidea dute aurretik. Jaitsiera arriskurik gabekoa bada ere, 16 urtetik gorakoek soilik hartu ahal dute parte.
Izen ematea egunean bertan egiten da. Sariak lehenengo hiru sailkatuentzat izaten dira, bai gizonezkoen eta baita emakumezkoen kategorian. Helmugara heltzen den lehen partaideak 120 euroko diru saria jasotzen du, bigarrenak 80 eurokoa eta hirugarrenak 50 eurokoa. Horrez gain, proba amaitzean zozketa bat ospatzen da parte hartu duten korrikalari guztien artean. Gainera, aurten, lehen aldiz, parte hartzaileren batek errekorra hautsiz gero (41′ 31″) 100 euroko saria jasotzea aurreikusita zuten.
Iazko edizioan, Hassan Ait Chaou eta Maialen Gurrutxaga izan ziren garaileak Loatzoko igoeran. Orotara 53 korrikalarik hartu zuten, horien artean emakumezkoak 8 izan zirelarik.
2019. urteko sailkapena honela geratu zen:
Gizonezkoak
1.- Hassan Ait Chaou 00:44:01
2.- Aitor Regillaga Beloki 00:45:21
3.- Xabier Vegas Lopez de Uralde 00:45:48
Emakumezkoak
1.- Maialen Gurrutxaga Perez 00:56:28
2.- Oihana Zubillaga Blanco 00:58:03
3.- Kontxi Blanco Ramos 01:02:37
Oihana Kortazar eta Asier Larruzeak irabazi dute Txindokiko Kilometro Bertikala
11 urte geroago berriz lehiatu zuten larunbatean 3,6 kilometro eta 980 metroko desnibela duen lasterketa
Joseba Larralde eta Itxaro Zabaletak irabazi dute Goizutrail lasterketa
Eki Imaz eta Guratz Azpiroz, 10 kilometrokoan eta Olatz Zabala eta Ion Alzuri, 25 kilometrokoan, erreleboka izan ziren gainontzeko garaileak
Julen Azpiazuk eta Maite Bikendik irabazi dute Sare Eguneko krosa
Kirolak eta aldarriak bat egin dute V. Sare Kros Herrikoian