EUSKAL PILOTA
Hastear da Nafarroako Foru Komunitateko txapelketa gomazko paleta modalitatean
Argazkiak: emakumemastercup.eus
Nafarroa Arenako esku-huskako final handien atarian, asteburu honetan hasiko da Nafarroako Foru Komunitateko txapelketa gomazko paleta modalitatean. Guztira 54 pilotarik hartuko dute parte lehiaketa honetan, 3 mailatan banatuta: kadeteak, 22 urtez azpikoak eta elitea.
Esku-huskako txapelketa bezala, lehiaketa guztiz irekia da, izen-emate librekoa, eta horrek interesa agertu duten palista guztiei lehiatzeko aukera ematen die. Pilotari nafarrak ez ezik, Arabako, Bizkaiko eta Gipuzkoako palistek ere parte hartuko dute. Lehiaketa honen helburu nagusietako bat Nafarroako klubek emakumeen pilotaren alde egiten duten lanari balioa ematea da.
Eliteko koadrantean momentuko palista onenak egongo dira, orainarte jokatu diren txapelketa ezberdinetan nabarmendu diren palista nafar askorekin. Besteak beste, Irati Igoa, Maider Ardanaz, Amaia Espinal, Miriam Arrillaga gipuzkoarra eta Ruiz de Azua arabarra. Adi egongo gara Paula Gorostiagak eskain dezakeenarekin ere, maila handiko pilotari gazteak zeresan handia emango baitu.
Txapelketa igande honetan hasiko da bi egoitzatan jokatuko diren partidekin. Alde batetik, kadeteek Bakaikun jokatuko dute eta 22 urtez azpikoek eta eliteek Berriozarren, eliteak goizez eta 22 urtez azpikoak arratsaldez.
Elite mailako lehiak goizeko 10:30etan hasiko dira, guztira final zortzirenetako sei partida jokatuko direlarik:
A taldean:
Salanueva-Ruiz de Azua vs. Murillo-Igoa
Salanueva-Ruiz de Azua vs. Espinal-Saez Azarmendi
Murillo-Igoa vs. Espinal-Saez Azarmendi
B taldean:
Saragueta-Ardanaz vs. Gorostiaga-Arrillaga
Saragueta-Ardanaz vs. Junkal Quevedo-Olaia Sarasibar
Gorostiaga-Arrillaga vs. Junkal Quevedo-Olaia Sarasibar
22 urtez azpiko lehian, finalerdiak lehiatuko dira arratsaldeko 16:30etatik hasita, non hiru triangular jokatuko dira. Triangular bakoitzetik lehenengo sailkatua pasatuko da hurrengo fasera, eta hiru triangularretatik bigarren bikoterik onena ere sailkatuko da finalerdietara.
Kadeteen mailan berriz, lau ligaxka jokatuko dira, bakoitzean hiru bikote arituko direlarik sailkapenaren bila.
Sailkatutako pilotariek Lekunberrin jokatuko dituzte finalerdiak eta Altsasun finalak.
Beraz, emakumezkoen pilotaren modalitaterik indartsuena hastera doa.
Juanenea eta Endika sailkatu dira finalerdirako
Juaneneak 29-30 irabazi zion Endikari eta horrenbestez biak izango dira finalaurrekoan. Barrenetxea aldiz, kanporatua izan da
II. San Migel Xare Txapelketako lehenengo jardunaldia jokatu da
Bi partida jokatu ziren: Driolet-Moncadak 40, Larronde-Algaranondo 36 eta De Paredes-Borteyru II 40, Borteyru III-Sistiage 29.
Janire San Sebastianek eta Naiara Fernandezek irabazi dute emakumeen II. pala txapelketa
Alaia Azkuek eta Kistiñe Astigarragak osaturiko bikoteari 22 eta 18 irabazita, Odieta pilotalekuan jokatutako finalean