Kategoria handiagoko talde bati aurre egin eta Baionako Aviron nagusitu egin da Angeluko Genêts aurka jokatutako Lapurdiko derbian. IX.Euskal Herria Koparen 2.taldeko 1.kanporaketako emaitza, markagailuan, Genêts 1-4 Aviron. Gol guztiak lehen zatian sartu dituzte. Avironen golegileak: Laura B* 2, Marie E* 1, Amelie T* 1

Et pour prolonger la fête, quoi de mieux que de remporter un derby contre @GenetAngletFoot ? Victoire hier des mêmes féminines de l’@abfc64 au premier tour de l’#EHKopa ! pic.twitter.com/nqf2eHdQIo

— Margot Loustau. (@margotloustau) 2019(e)ko maiatzaren 2(a)

 Hartara, IX.EHKopako 2.Multzoko 2.kanporaketan, Gasteizko Alaves – Baionako Aviron izango ditugu, final-erdira nor pasatuko lehian. 

Alaves – Aviron arteko kanporaketa Amurrion jokatuko da, maiatzaren 5ean, igandearekin, 12:00etan, Basarte zelaian. Sarrera doan izango da. 

Partida horren irabazleak Mulierren kontra jokatuko du final-laurdenetan. 

Eta azken horren irabazleak finalerdian jokatuko du Realaren aurka, Arrasaten, maiatzaren 26an, igandea, 12:00etan. Finalerdia hau ETBk emango du zuzenean. 

Bigarren finalerdian Athletic izango dugu, Añorga-Eibar // Bizkerre-San Ignacio kanporaketetan nagusitako taldearen aurka. Bigarren finalerdi hau Galdakaon jokatuko da, maiatzaren 26an.  

Euskal Herriko futbol talderik onenak ari dira 2019ko IX. Euskal Herria Kopa honetan: Gipuzkoatik, Real Sociedad, Oiartzun, Añorga eta Eibar; Bizkaitik, Athletic Club, San Inazio eta Bizkerre; Arabatik, Alaves; Nafarroa Garaitik, Mulier eta Berriozar; eta Lapurditik, Baionako Aviron eta Angeluko Genets.

Lau multzo antolatu dira lehen kanporaketen leihaketarako.    

Partida bakarreko elkarren arteko sailkapeak jokatuta, multzo bakoitzeko sailkatuen artean final-laurdenak jokatuko dira, eta hauetan sailktutakoek Reala eta Athleticen aurka jokatu beharko dituzte final-erdiak.

 Lehen eta bigarren faseko partidak apirila eta maiatzean jokatuko dira. Final-erdiak, maiatzaren 26an, eta finala, abuztuan, Azpeitian, Lagun Onak taldeko Garmendipe zelaian.

IX. Euskal Herria Koparekin batera, Euskal Herria Kirolak sari bat zozketatuko du jokalarien artean, Parisen 2019an jokatuko den Munduko Emakumezko Futbolaren finalera joateko, bi pertsonentzako bidaia, hotela eta finalerako bi sarrerekin.

→ ehkirola.eus: VIII. Euskal Herria Kopa

→ Wikipedia: Euskal Herria Kopa