Lur Gaineko Euskadiko Sokatira Txapelketako 640 kiloko kategorian honako taldeak aritu dira nor baino nor gehiago: Mutriku, Goiherri, Akelarre, Gaztedi A, Gaztedi B, Gaztedi C eta Getxo.

Guztira hiru jardunalditan erabaki dira 640 kiloetako txapelak: lehenengoa maiatzaren 22an Mutrikun, bigarrena maiatzaren 29an Hernanin eta hirugarrena ekainaren 5ean Laukizen.

Gaztedi Ak irabazi zuen lehen jardunaldia, orotara 7 puntu bilduta, atzetik bigarren Goiherri izan zelarik 6 punturekin eta hirugarren Mutriku 4 punturekin. Lagaurren postuan Akelarre geratu zen 4 punturekin, bosgarren Gaztedi B izan zen (4 puntu), seigarren Getxo bi punturekin eta zazpigarren Gaztedi C puntu bakarra lortuta.

Bigarren jardunaldian ere Gaztedi A taldeak eskuratu zuen garaipena, 6,5 puntu pilatuta. Goiherrik ere 6,5 puntu erdietsi zituen eta hirugarren Gaztedi B taldea izan zen 5 punturekin. Atzetik, laugarren postuan Mutriku sailkatu zen (4 puntu), bosgarren Akelarre izan zen (3 puntu), seigarren Getxo (2 puntu) eta zazpigarren Gaztedi C (1 puntu).

Pasa den asteburuan jokatu zen hirugarren eta azken jardunaldia Laukizen, honako emaitzak eman zirelarik: Gaztedi A  7 puntu. Goiherri  6 puntu., Gaztedi B  5 puntu, Mutriku  4 puntu, Akelarre  2,5 puntu, Getxo  2,5 puntu, Gaztedi C  1 puntu.

Gauzak horrela, Gaztedi A taldeak eskuratu du kategoria honetako txapela merezimendu osoz, hiru jardunaldietan onena izanda.

Sailkapen orokorra:

Gaztedi A 20,5 puntu

Goiherri 18,5 puntu

Gaztedi B 14 puntu

Mutriku 12 puntu

Akelarre 9,5 puntu

Getxo 6,5 puntu

Gaztedi C 3 puntu

2021eko Lur Gaineko Euskadiko Sokatira Txapelketa

Txapelketaren egutegia:

680 KILO: Maiatzak 1 (Aulesti), maiatzak 8 (Azkoitia) eta maiatzak 15 (Berriatua).680 kiloko lategorian honako taldeak arituko dira: Mutriku, Goiherri, Akelarre, Gaztedi A, Gaztedi B eta Gaztedi C.

640 KILO: Maiatzak 22 (Mutriku), maiatzak 29 (Hernani) eta ekainak 5 (Laukiz). Talde parte-hartzaileak: Mutriku, Goiherri, Akelarre, Getxo, Gaztedi A, Gaztedi B eta Gaztedi C.

600 KILO: Ekainak 12 (Goiherri-Erandio), ekainak 19 eta ekainak 26 (lekua zehazteke). Lehian arituko dira Mutriku A, Goiherri A, Goiherri B, Akelarre, Getxo, Gaztedi A, Gaztedi B eta Gaztedi C.

560 KILO: Uztailaren 3 (Laukiz), 10 (Goiherri-Erandio) eta 17an (Laukiz). Goiherri, Akelarre, Getxo, Gaztedi A, Gaztedi B eta Gaztedi C.

580 KILO MISTOA: Uztailaren 24an oraindik zehaztu gabeko plazan, Gaztedi A, Gaztedi B eta Gaztedi C arituko direlarik.