HERRI KIROLAK/SOKATIRA/EUSKAL SELEKZIOA
Euskal Selekzioak beste brontzezko domina bat lortuta amaitu du Mundiala
![242306654_2771220569834746_5560692921648015735_n](https://ehkirola.eus/wp-content/uploads/2021/09/242306654_2771220569834746_5560692921648015735_n.jpg)
Igande honetan amaitu da Fadurako errugbi zelaian lau egunez luzatu den Munduko Lur Gaineko Sokatira Txapelketa, euskal ordezkaritzak guztira 7 domina eskuratu dituelarik: urrezko lau eta brontzezko hiru.
Selekzio nazionalen arteko lehien bigarren jardunaldi honetako domina bakarra gizonezkoen 23 urtez azpiko mailan lortu du euskal selekzioak, hirugarren postua lortuta.
Finalaurrekoa Alemaniaren aurka galdu du Euskal Herriko selekzioak, baina hirugarren eta laugarren postuak zehazteko lehian Errusiar Sokatira Federazioari irabazi dio. Txapelduna Suitza izan da, eta Alemania bigarren. Euskal selekzioaren ordezkaritzan Goiherri, Gaztedi eta Abadiñoko taldeetako tiratzaile gazteak aritu dira.
600 kiloko gizonezkoen 23 urtez azpikoen mailako emaitzak:
1º SWITZERLAND
2º GERMANY
3º BASQUE COUNTRY
4º RTWF
720 kiloko gizonezkoen mailako lehiaketako multzoan laugarren sailkatu dira euskal tiratzaileak, eta Suitzaren aurka izan dute finalaurrekoa, azken norgehiagoka honetan galtzaile izan direlarik. Ondoren, podiumera igotzeko lehian aritu dira eta hemen ere ezin izan zuten garaipenik lortu, honakoan Herbehereetako selekzioaren aurka.
720 kiloko gizonezkoen mailako emaitzak:
1º SWITZERLAND
2º GERMANY
3º NETHERLANDS
4º BASQUE COUNTRY
5º LATVIA
6º ENGLAND
7º FRANCE
8º ISRAEL
9º POLAND
Arratsaldeko saioetan, berriz, finalaurrekoetara ere ez dira iritsi euskal herritarrak. 540 kiloko emakumeek Taiwanen aurka galdu egin dute, azkenean txapeldun Suedia izan delarik, Suitza bigarren eta Herbehereak hirugarren.
540 kiloko emakumezkoen mailako emaitzak:
1º SWEDEN
2º SWITZERLAND
3º NETHERLANDS
4º CHINESE TAIPEI
5º BASQUE COUNTRY
6º GERMANY
7º ENGLAND
8º SOUTH AFRICA
9º ISRAEL
10º CZECH REPUBLIC
Gizonezkoen 640 kilokoan berriz, Suitza izan da garaile Herbehereen aurkako finalean. Hirugarren Ingalaterra izan da, eta Alemania laugarren.
640 kiloko gizonezkoen mailako emaitzak:
1º SWITZERLAND
2º NETHERLANDS
3º ENGLAND
4º GERMANY
5º BELGIUM
6º BASQUE COUNTRY
7º ITALY
8º SWEDEN
9º FRANCE
10º RTWF
11º CZECH REPUBLIC
Selekzioen arteko lehiak eman diren bi jardunaldi hauetan, orotara urrezko domina gehien irabazi duen herrialdea Suitza izan da -hiru-, eta bere atzetik Euskal Herria eta Suedia izan dira, birekin, eta Alemaniak bat irabazi du.
640 kiloko Euskal Herriko sokatira txapelketako bi jardunaldi jokatu dira
Emakumezkoen 540 kiloko lehen jardunaldia ere lehiatu zen igande honetan
Beti Gaztek jantzi du Euskal Herriko sokatira txapelketako lehen txapela
Zuraide izan zen bigarren, Ibarra hirugarren eta Ñapurrak laugarren
Ugaitz Mugertzak irabazi du I. Euskal Duatloia
Arkaitz Jauregi izan zen bigarrena, eta Eneko Saralegik osatu zuen podiuma