EUSKAL PILOTA

Euskal Herriko Txapelketa irabazi du Markina-Xemeinek

2021/09/05

Argazkiak: egursport.com

2021eko Euskal Herriko Zesta-puntako herriarteko txapelketa irabazi du Markinak, finalean Zumaia gainditu ondoren

 

Iragan ostiralean, irailak 3, arratsaldeko 18:00etatik aurrera erabaki zen Euskal Herriko Eskola Arteko Txapelketaren finala Markina-Xemeingo Uni frontoian. Markina-Xemeingo Zesta-Punta Eskolak Zumaiaren kontra jokatu zituen finalaren bueltako partidak, eta Zumaian uztailaren 23an jokatu zuten  joaneko neurketan bezala, hirutik bi partida irabazi zituzten Markina-Xemeingoek, hartara txapela herrira eraman zutelarik.

Gazte eta nagusien mailetan nagusitu ziren Markina-Xemeingoak. Gazte mailan Zelaiak eta Atain II.ak 30 eta 12 irabazi zieten Zumaiako Egaña eta Uretari eta nagusien mailan Alex eta Zabala 30 eta 14 nagusitu ziren Eduardo eta Urangaren kontra. Kadete mailan, berriz, Zumaikoentzat izan zen garaipena. Burne eta Maddi Markina-Xemeingo pilotariek 10 eta Zumaiko Woddyk eta Gonzalok 30 egin zuten.

Zelaiak eta Atainek itzelezko partida eskaini zuten. Zelaia oraindik kadetea bada ere, joko ona erakusten ari da, eta beraz, gazte mailan jartzea erabaki zuten Markina-Xemeingo Zesta-Punta Eskolakoek. Maila onean aritu zen Zelaia eta baita bere bikote Atain ere. Nagusietan ere berdin; Alex eta Zabala momentu onean daude, asko jokatzen, eta Zumaiko bikotea baino gehiago izan ziren.

2021eko E.H-ko Zesta Puntako Herriarteko txapelketako emaitzak:

Joaneko finalak / Kadeteak

ZUMAIA (Agirre-Watkins) 30

MARKINA-XEMEIN (Pagaldai-Bereziartua) 9

Joaneko finalak / Gazteak

ZUMAIA (Odriozola-Egaña) 14

MARKINA-XEMEIN (Hormaetxea-Mugartegi) 30

Joaneko finalak / Nagusiak

ZUMAIA (Agirre-Uranga) 14

MARKINA-XEMEIN (Goitiandia-Zabala) 30

Bueltako finalak / Kadeteak

MARKINA-XEMEIN (Burne-Maddi) 10

ZUMAIA (Woddy-Gonzalo) 30

Bueltako finalak / Nagusiak

MARKINA-XEMEIN (Goitia-Zabala) 30

ZUMAIA (Eduardo-Uranga) 14

Bueltako finalak / Gazteak

MARKINA-XEMEIN (Hormaetxea-Mugartegi) 30

ZUMAIA (Egaña-Ureta) 12

Share This