EUSKAL PILOTA

Euskal Herriko Pala Txapelketa azken txanpan sartu da

by | 2020/07/30

Euskal Herriko Pala Txapelketa Irekia datorren larunbatean bukatuko da. Aurtengoa 38. ekitaldia izango da, eta 82 bikote lehiatu dira, gizonen hiru mailatan banatuta.

Iragan asteburuan, Giriziak antolatzen duen pala txapelketaren finalerdiak jokatu ziren Madalensoron, larunbatean, uztailak 25, goizeko 8:00tan eta igandean, uztailak 26, arratsaldeko 15:15tan, hain zuzen ere.

Finalerdietako emaitzak honakoak izan dira:

Lehen Maila

  • Aizpuru (Aia) – Dagerre (Hondarribia) 25 / Zabala (Urnieta) – Elizondo (Betelu) 24
  • Salaberria (Astigarraga) – Huegun (Loiola) 25 / Elejalde (Altza) – San Miguel (Doneztebe) 15

Bigarren Maila

  • Eskudero – Beloki (Andoain) 25 / Salegi (Zumaia) – Matxain (Orereta) 23
  • Loidi anaiak (Andoain) 15 / Atxostegi – Gallastegi (Elgoibar) 25

Hirugarren Maila

  • Imaz – Elizalde (Hernani) 17 / Agirre (Hernani) – Mendigain (Andoain) 25
  • Hernandez – Susperregi (Oiartzun) 24 / Zurutuza – Manterola (Hernani) 25

Pala txapelketako finalak aldiz, larunbat honetan jokatuko dituzte. Sei bikote onenak elkartuko dira, eta emakumeen erakustaldi partida bat ere jokatuko dute Madalensoron. Nesken partidako bikoteetako bat iazko txapeldunak izango direla iragarri dute.

Larunbateko partidak 08:15ean hasiko dira. Orain arte bezala, COVID-19a ekiditeko neurriak hartuko dituzte. Partidak jokatu ondoren, sari banaketa egingo dute, eta urtero bezala, osetxo Gamio eta Joxe Carreraren senideekin batera, Gipuzkoako Pilota Federazio eta Oiartzungo Udaleko ordezkariak ere izango dira. Txapelketa osoan Madalensoron giro jatorra eta polita egon da eta finaletan ere horrela izatea espero dugu, esan dute antolatzaileek.

Finaleko partidak honakoak izango dira:

Lehen Maila

  • Salaberria – Huegun / Aizpuru – Dagerre.

Bigarren Maila

  • Eskudero – Beloki / Atxotegi – Gallastegi.

Hirugarren Maila

  • Agirre – Mendigain / Zurutuza – Manterola.

Aurtengo Euskal herriko Pala Txapelketa, GIRIZIA elkarteak jarraian antolatzen duen XXXVIII. edizioa da eta urtero bezala UDALAren laguntza eta babesarekin jokatzen dela. Edizio honetan 84 bikotek hartu dute parte eta Araba, Bizkaia, Gipuzkoa eta Nafarroatik etorri dira.

Share This