Badoa aurrera Madalendoron jokatzen ari den Euskal Herriko pala txapelketa irekia. Asteburuan hamahiru kanporaketa jokatu ziren, sei hirugarren mailakoak, bost bigarrenekoak eta bi lehen mailakoak.

Emaitzei dagokionez, denetarik eman ziren baina sorpresa handirik ez. Aipatu, lehen mailako bi partiduetan, oreka handia eta joko ona egon zela eta azken unerarte ez zela erabaki zein bikotek jokatuko duten kanporaketa fase berria. Asteburuan final laurdenak jokatuko dira, hurrengoan finalerdiak eta ondobidean, abuztuaren 1an edo 2an finalak.

GIRIZIA elkarteak jarraian antolatzen duen XXXVIII. edizioa da aurtengoa eta paleta gomaz jokatzen da urtero. Gizonezkoen bikoteek hiru kategoritan banatuta (1-2 eta 3.maila) jokatzen dute kirol mailaren arabera, guztira 82 bikotek hartzen dutelarik parte, Nafarroa, Gipuzkoa, Bizkaia eta Arabako partaidetzarekin. Orohar, emakumezkoen partaidetza txikiago da, eta bikote gutxi izaten dira animatzen direnak (gehienak gazte mailan).

Uztailak 11-12 asteburuko emaitzak:

​

Bestalde, hasia da Zarautzen Emakumezkoen Frontoi Txikiko XII. Paleta Txapelketa

Bi partida jokatuko dituzte Frontoi Txikin, emakumezkoen paleta txapelketako lehen jardunaldian. June Agirrezabalagak eta Leire Merketegik Jone Iruretagoiena eta Mireia Aizpururen aurka neurtuko dituzte indarrak. Horien ostean, Karmele Martinez eta Jone Azkoagak osatutako bikoteak Saioa Iraola eta Maialen Manterolaren aurka jokatuko du.

Astean zehar jarraipena izango du txapelketak, eta finala hilaren 23an, ostegunean, izango da, Frontoi Txikin bertan.