BIDEO-JOKOAK/EHeTXAPELA FIFA21

Euskal Herria eTxapelak FIFA 21-en erakustaldia egingo du Euskararen Egunean Twitch bidez

by | 2021/12/02

Euskal Herria eTxapelak FIFA 21-en erakustaldia egingo du Euskararen Egunean Twitch bidez

EHKirolak babestutako ekimena Game Erauntsiaren Twitcheko kanal ofizialetik jarraitu ahalko da 18:30etik aurrera.Euskarak, bideo-jokoek eta kirolak bat egingo dute beste batez Euskal Herria eTxapelaren erakustaldi bereziari esker. FIFA 21 bideo-joko ezaguna hartuta bertan hauta daitezkeen euskal taldeekin partiduak jokatzeari ekingo diote bideojokozale adituek etzi, Euskararen Egunean, emango dugun zuzeneko emanaldian.

Twitch bidez egingo den saio honen babesle ofiziala da EHKirola egitasmoa; Euskal Herrian kirol guztietako ligak, kopak eta txapelketak antolatzea izanik, eremu digitalera pasatzeko erabakia hartu dute Game Erauntsia Elkartearekin batera. Euskal selekzioen ofizialtasuna eta Euskal Herriko kirolaren nazioarteko ordezkaritza lortzeko helburua bilatzen dute modu horretara.

Euskararen Eguna izanik, abenduaren 3a aukeratu dugu erakustaldi hau egiteko. Esan bezala, euskara bideo-jokoekin zein kirolarekin uztartu nahi dugu: horretarako bide aproposena komunitatearekin bat egitea eta elkarrekin euskaraz ondo pasatzea dela deritzogu.

FIFA 21en ezin daitekeenez euskal selekzioa erabili, euskal talde desberdinekin egindako partiduak ikusiko ditugu zuzeneko berezi honetan: Athletic, Alaves, Eibar, Reala eta Osasuna taldeen arteko norgehiagokak bideratuko dituzte FIFAko gure adituek.

18:30etatik aurrera egongo gara Game Erauntsiaren Twitcheko kanal ofizialean. Bertan egongo dira Maitane, Haritz, Ekaitz eta Axigara partiduak jokatzen eta esatari lanak egiten. Etor zaitez ondo pasatzera eta zure ekarpenak egitera. Zuen zain egongo gara!

Twitter

Euskal Herria Txapela

Eibar-Athletic, ostiralean

Eibar-Athletic, ostiralean

2020/09/21

Ostiralean, irailak 25, gaueko 21:00etan jokatuko da Eibar-Athletic partida, V. Euskal Herria Txapela 2020/21 edizioaren lehena

IV. Euskal Herria Txapelako finala, zuzenean

IV. Euskal Herria Txapelako finala, zuzenean

2020/09/04

ETB1 telebistan eta gure webgunean ere zuzenean ikusi ahal izango da bihar IV.Euskal Herria Txapelako finala, Realaren eta Osanunaren artean, arratsaldeko 20:30etan hasita

Azken bideoak

[EiTB] Athletic 2–2 Osasuna partidako laburpena eta gol guztiak (2’04”)

[EiTB] Athletic 2–2 Osasuna partidako laburpena eta gol guztiak (2’04”)

[EiTB/Helmuga] Zourdine Thior, Real Union taldeko jokalaria, Orioko senegaldarra (8’56”)

[EiTB/Helmuga] Zourdine Thior, Real Union taldeko jokalaria, Orioko senegaldarra (8’56”)

[EiTB/Helmuga] Aritz Aranburu, itsasgizona bere baitan (22’12”)

[EiTB/Helmuga] Aritz Aranburu, itsasgizona bere baitan (22’12”)

[EiTB/Helmuga] Tessy Ebosele, topikoak hautsiz (6’47”)

[EiTB/Helmuga] Tessy Ebosele, topikoak hautsiz (6’47”)