BIDEO-JOKOAK/EHeTXAPELA FIFA21
«EUSKAL HERRIA eTXAPELA FIFA21» txapelketa
Euskal Herria eTxapela FIFA21 txapelketa abiarazi du EH Kirola erakundeak Game Erauntsiarekin elkarlanean
Lehiaketaren izen ematea urriaren 31ra arte irekita dago. Finala abenduaren 3an jokatuko da, Euskararen egunean; Hamaika Telebistatik jarraitu ahalko da zuzenean.
Euskal Herria Kirola erakundeak, Game Erauntsia Elkartearen bidez, euskal futbola bideo-jokoetara eramango du PlayStation 4-an jokatuko den eTxapela FIFA 21 lehiaketarekin. Udazkenean egingo den online txapelketa honetan euskal taldeei ikusgaitasuna emango zaie. Hamaika Telebista txapelketaren laguntzailea da gainera; bertatik jarraitu ahalko da final handia.
Gure Euskal Ligan bost futbol talde egongo dira: Alaves, Athletic Club, Eibar, Reala eta Osasuna. Gizonezkoen taldeekin soilik jokatuko da; izan ere, Electronic Arts-en bideo-jokoak ez ditu emakumezko taldeak biltzen, selekzioak salbuespen. Hori dela eta, lehiaketan aipatutako bost talde horien ordezkari iaioenak bilatuko ditugu.
Txapelketaren finala Hamaika Telebistatik zuzenean jarraitzeaz gain Game Erauntsiaren Twitch kanaletik ere ikusi ahalko da abenduaren 3an, Euskararen egunean. Finalistak azken fasera iritsi aurretik, baina, hainbat norgehiagoka irabazi beharko dituzte. eTxapela FIFA21en lehen fasea azaroaren 4an hasiko da: talde bakoitzak liga propioa edukiko du hasierako partidu horietan. Jokalariek bigarren fasean beraien taldeen ordezkari izateagatik lehiatuko dute. Azken fasera lau jokalari soilik iritsiko dira; bai finalerdiak, bai finala abenduaren 3an jokatuko dira.
Euskal Herria Kirolakekoek hainbat sari banatuko dituzte partaideen artean. Final aurreko ligaxkara iristen diren bost ordezkariek beraien taldearen kamiseta pertsonalizatua eskuratuko dute. Irabazlearen saria, bestalde, ordezkatutako taldearen derbi baterako bi sarrera izango dira. Gainera, txapelketako parte-hartzaile guztien artean derbi baterako bi sarrera zozkatuko dira.
Arauak eta izena emateko prozedura
Txapelketa PlayStation 4 plataformaren bitartez jokatuko da FIFA21 jokoa erabilita. Interneteko konexioa beharrezkoa izango da. Izena emateko epea urriaren 31n itxiko da.
Txapelketan jokatu nahi baduzu, lehendabizi Game Erauntsiaren webgunean izena eman behar duzu; ondoren, aktibazio posta elektronikoa jasoko duzu (ez bada email hori jasotzen, begiratu SPAM karpetan, mesedez). Aktibazioa burutzeko iristen zaizuen estekan klik egin eta honekin webguneko erregistroa amaituko duzue.
Azalpen gehiago behar baduzue bideo honetan dituzue:
Web atarian izen ematea burututakoan, zuen gustuko taldearen txapelketan izena eman behar duzue. Bost txapelketa daude, euskal talde bakoitzeko bana. Jokalari bakoitzak txapelketa bakarrean parte hartu ahal izango du. Hauek dira txapelketa bakoitzeko estekak:
Lehiaketa hiru fasetan banatuko da: lehenengo fasean (azaroak 4-21 ) taldeen txanda izango da, lehiakide kopuru mugarik gabe. Hasierako fase honen bost irabazleek ligaxka jokatuko dute aukeratutako taldeekin bigarren fasean (azaroak 23-28 ); lehenengo laurak finalerdietara pasako dira. Finalerdiak eta finala abenduaren 3an jokatuko dira, Euskararen egunarekin bat eginez.
Parte-hartzeko arau guztiak txapelketaren fitxan aurkituko dituzue. Parte-hartzeak antolatzaileen baldintzak onartzea dakar. Txapelketa euskaraz izango da, eta jokalariekin komunikazioa eta antolatzaileen komunikazioa horretarako sortutako Discord gelatik bideratuko da.
Twitter
Eibar 1-2 Reala
Realak irabazi du IV. Euskal Herria Txapela 2019/20 edizioaren bigarren bueltako bosgarren partida. Koronabirusi aurre egiteko neurriak direla eta, publikorik gabe jokatu da neurketa
Eibar-Reala, ateak itxita
Espainiako Gobernuak erabaki du kirol lehiaketa guztiak ateak itxita jokatzea. Gaurko Eibar-Reala zein IV. Euskal Herria Txapelako hurrengo hiru jardunaldiak ere ateak itxita jokatuko dira
Eibar-Reala, bihar
Bihar, martxoak 10, jokatuko da IV. Euskal Herria Txapela 2019/20 edizioaren hamabosgarren jardunaldia. Zaldibarko zabortegiaren eraginez aire kutsadura maila handiagatik otsailaren 16an atzeratu egin zen. 20:00etan hasiko da
Eibar-Athletic, martxoaren 21ean
Martxoaren 21ean jokatuko da Eibar-Athletic norgehiagoka, gaueko 21:00etan, Ipuruan. Edizio honen hamazortzigarren jardunaldia izango da
Alaves-Reala, martxoaren 21ean
Martxoaren 21ean jokatuko da Alaves-Reala norgehiagoka, arratsaldeko 18:30etan. Edizio honen hamazazpigarren jardunaldia izango da
Realak jarraitzen du buruan
Bigarren bueltako lau partida jokatuta, Realak jarraitzen du IV. Euskal Herria Txapela 2019/20 edizioaren sailkapenaren buruan. Bigarrena, Athletic da
![[EiTB] Abelardo: ”Emaitza gogorra izan da pareko partida izan delako” (1’11”)](https://ehkirola.eus/wp-content/uploads/2021/02/abelardo-1-400x284.jpg)
![[EiTB] Alaves 0–1 Osasuna partidako laburpena eta gola (1’52”)](https://ehkirola.eus/wp-content/uploads/2021/02/ALAVES-Osasuna-400x284.jpg)
![[EiTB/Helmuga] Fernando Michelena, kirolaria oztopo guztien gainetik (12’56”)](https://ehkirola.eus/wp-content/uploads/2021/02/FERNANDO-MICHELENA-400x284.jpg)
![[EiTB/Helmuga] Clara Azurmendi badminton jokalariak 14 urterekin utzi zuen etxea, bere ametsa lortzeko (9’27”)](https://ehkirola.eus/wp-content/uploads/2021/02/CLARA-400x284.jpg)