Zesta-puntaren olatua pil-pilean dago eta beste behin ere ehunka zale hurbildu ziren Gernikako Jai Alaira, Olharan-Etcheto eta Erkiaga Zabala bikoteen arteko lehiaz gozatzeko, non azken hauek garaipena erdietsi zuten (12-15, 8-15). Lehen astelehenean ia 400 pertsona bildu ziren harmailetan baina honakoan bi aldiz jende gehiago gerturatu zen, edukiera osoa betetzeraino.  Argi dago olatua existitzen dela eta norabide onean doala.

Partidari dagokionez, Jean Olharan eta Nicolas Etchetok garaipena bilatzen dute beti eta asteleheneko saioan ere gogotik saiatu ziren. Batez ere lehen setean, non 5-1 irabazten hasi zen bikote gorria, jokoa atzean kargatuz eta Erkiaga jokoan sartzea saihestuz. Partidaren hasieran lortu zuten baina pixkanaka Erkiaga partidan sartzen hasi zen eta gainera Zabalak partiduaren erritmoa menderatzea lortu zuen, Etchetori bizkarra erakutsiz eta atzeko paretara errazago iritsiz. Urdinek berdinketa lortu zuten zortzigarren kartoian, eta handik aurrera oreka mantendu zen markagailuan (9-9, 10-10,11-11, 12-12). Orduan, Olharanek erremate erraz bat huts egin zuen eta urdinak aurretik jarri ziren, 12-13, jarraian jokoa ixtea lortu zutelarik.

Bigarren jokoan, Olharanek ez zuen bere tokia aurkitu, eta batez ere set erditik aurrera, Iparraldeko bikotea ezinean aritu zen.  Kantxan jarraitzen zuten, baina psikologikoki garaituta. Hartara, bigarren joko hau ere irabazi zuten Erkiaga eta Zabalak (8-15), garaipena poltsikoratuz eta bidenabar finalerdietarako txartela bereganatuz.

Markagailuaren gorabeherak:

1. jokoa: 2-0, 2-1, 5-1, 5-4, 6-4, 6-5, 7-5, 7-6, 8-6, 8-8, 9-8, 9-9, 10-9, 10-10, 10-11, 11-11, 12-11, 12-12, 12-15.
2. jokoa: 0-1, 1-1, 2-3, 2-5, 4-5, 4-9, 6-9, 6-13, 7-13, 7-14, 8-15.

SAILKAPENA:

* A TALDEA:

ERKIAGA-ZABALA: 7 puntu (2 partida jokatuta)

BARANDIKA-LEKERIKA: 1 puntu (partida bat jokatuta

OLHARAN-ETCHETO: 0 puntos (partida bat jokatuta)

* B TALDEA:

BEASKOETXEA-ALDAZABAL: 4 puntu (partida bat jokatuta)

ARBE-LOPEZ: 0 puntu (partida bat jokatuta)

GOIKOETXEA-AIMAR: 0 puntu (partidarik jokatu gabe oraindik)

“JAI ALAI WINTER SERIES” TXAPELKETAREN EGUTEGIA

* Urtarrilak 29: ERKIAGA-ZABALA vs BARANDIKA-LEKERIKA: 12-15, 15-14, 5-3

* Urtarrilak 31: ARBE-LOPEZ vs BEASKOETXEA-ALDAZABAL: 11-15, 9-15

* Otsailak 7: OLHARAN-ETCHETO vs ERKIAGA-ZABALA: 12-15, 8-15

*Otsailak 14: GOIKOETXEA-AIMAR vs BEASKOETXEA-ALDAZABAL

* Otsailak 21: BARANDIKA-LEKERIKA vs OLHARAN-ETCHETO

* Otsailak 28: GOIKOTEXEA-AIMAR vs ARBE-LOPEZ

* Martxoak 7: FINALERDIA

* Martxoak 14: FINALERDIA

* Martxoak 20: FINAL HAUNDIA