MENDI LASTERKETAK
Eneko Gurrutxaga eta Enara Oronoz garaile Amasako duatloian
Bi urteko etenaldiaren ostean (iaz ere azken unean bertan behera utzi behar izan zuten), pasa den larunbat arratsaldean lehiatu zen Euskal Herriko Zirkuiturako puntuagarria den Amasako Mendi Duatloia.
Azken urteotako zirkuitu berdina izan zen. Lehenengo zatian 4,18 kilometro egin zituzten korrika, bigarrengo zatian mendi bizikletarekin 17,79 kilometro, eta azkenik korrika beste 2,43 kilometro.
Aurtengo berrikuntza haurrentzako mendi duatloia izan da, non 13 urtez azpikoek parte hartu zuten eguerdiko 12:30etatik aurrera, guztira bost maila izan zirelarik.
Proba nagusiari dagokionez, gizonezkoetan Amasa bertako Eneko Gurrutxaga izan zen azkarrena, 1:16:45ko denbora eginda. Gurrutxaga korrikako eremuan ondo aritu zen lasterketa burutik gertu eta bizikletako saioan aurrean zeuden aurkariak azkar harrapatu zituen, azkenean bera izan zelarik helmuga zapaltzen lehena. Atzetik, bigarren sailkatu zen Paul Bereziartua (1:18:51) eta hirugarren Aitor Regillaga (1:19:29).
Emakumezkoetan berriz, Enara Oronozek lortu zuen garaipena (1:39:37). Ainara Uribarri (1:45:45) izan zen bigarren eta Ainara Pequeño hirugarren (1:48:52).
Sailkapena:
Gizonezkoak
- Eneko Gurrutxaga Ugarte (1:16:45)
- Paul Bereziartua Plaza (1:18:51)
- Aitor Regillaga Beloki (1:19:29)
Emakumezkoak
- Enara Oronoz Mateo (1:39:37)
- Ainara Uribarri Martinez (1:45:45)
- Ainara Pequeño Uranga (1:48:52)
Txandakako lasterketa
- Eneko eta Koldo Herrera Urroz (1:15:23)
- Hugo Teixeira Matias eta Ibon Ruiz de Alda (1:17:57)
- Unai Iantzi Martikorena eta Jon Martikorena Cenoz (1:18:16)
Amasako mendi duatloia
DATA: URRIAK 23, Larunbata
IRTEERA ORDUA: 16:30
UMEEN PROBA: 12:30
PROBAREN EZAUGARRIAK:
1-Sektorea: mendi lasterketa: 4,18 km, 101 m+
2-Sektorea: mendi bizikletaz (2 bira): 17,79 km, 570 m+
3-Sektorea: mendi lasterketa: 2,43 km, 78 m+
Andikona Albizurik eta David Garciak irabazi dute Tabirako mendi lasterketa
Durangoko Tabira auzoko jaien barruan antolatutako ekimenean, 120 korrikalarik parte hartu zuten
Maite Maiora txapeldun Saint Lary Patoun
Mendaroarrak Frantziako Saint Lary-Soulan herri inguruan jokatzen den Saint Lary Patou Trail mendi maratoia irabazi zuen
Euskal Herriko mendi duatloi zirkuituaren egutegia zehaztu dute
Igantzin hasiko da iraileko lehen igandean, eta Adunan amaituko da azaroan