FUTBOLA/EUSKAL HERRIA KOPA
Bizkerre 2 (+1p) – 2 (+4p) San Ignacio
Penaltietan (1-4) nagusitu da San Ignacio IX.Euskal Herria Kopako 4.multzoko kanporaketan, 90 minutuen ostean markagailuak 2-2 markatzen zuenean. Lehia bizia izan dugu zelaian, bigarren zatian batez ere. Atsedenaldira 0-0 berdinketara joan dira jokalariak aldageletara. Eta bigarren zatian etorri dira golak: 51.min. 0-1; 65.min. 1-1, Clarak; 76.min. 2-1, Clarak; 90.min. 2-2. Penalti jaurtiketan, arestian esan bezala, emaitzak San Ignacio aldera egin du.
Bigarren fasera pasako da San Ignacio beraz. Final-laurdenetan jokatuko du 1.multzoko 2. kanporaketa Añorga-Eibar partidako irabazlearen aurka.
Horko irabazleak finalerdian Athletic izango du aurkari. Finalerdi hau Galdakaon jokatuko da, maiatzaren 26an.
Beste aldetik, Alaves-Mulier arteko partidaren irabazleak finalerdian Realaren aurka jokatuko du, Arrasaten, maiatzaren 26an, igandea, 12:00etan. Finalerdia hau ETBk emango du zuzenean.
Euskal Herriko futbol talderik onenak ari dira 2019ko IX. Euskal Herria Kopa honetan: Gipuzkoatik, Real Sociedad, Oiartzun, Añorga eta Eibar; Bizkaitik, Athletic Club, San Inazio eta Bizkerre; Arabatik, Alaves; Nafarroa Garaitik, Mulier eta Berriozar; eta Lapurditik, Baionako Aviron eta Angeluko Genets.
Lau multzo antolatu dira lehen kanporaketen leihaketarako.
Partida bakarreko elkarren arteko sailkapeak jokatuta, multzo bakoitzeko sailkatuen artean final-laurdenak jokatuko dira, eta hauetan sailktutakoek Reala eta Athleticen aurka jokatu beharko dituzte final-erdiak.
Lehen eta bigarren faseko partidak apirila eta maiatzean jokatuko dira. Final-erdiak, maiatzaren 26an, eta finala, abuztuan, Azpeitian, Lagun Onak taldeko Garmendipe zelaian.
IX. Euskal Herria Koparekin batera, Euskal Herria Kirolak sari bat zozketatuko du jokalarien artean, Parisen 2019an jokatuko den Munduko Emakumezko Futbolaren finalera joateko, bi pertsonentzako bidaia, hotela eta finalerako bi sarrerekin.
→ ehkirola.eus: VIII. Euskal Herria Kopa
→ Wikipedia: Euskal Herria Kopa
Twitter
EMAITZAK 2019
IX. EUSKAL HERRIA KOPA
| 1. FASEA | TALDEA | EMAITZA | TALDEA | KRONIKA |
|---|---|---|---|---|
| [4. multzoa] 2019.04.26 | Mulier | 4 - 1 | Berriozar | ehkirola.eus |
| [1. multzoa] 2019.05.01 | Oiartzun | 0 - 3 | Añorga | ehkirola.eus |
| [1. mulzoa] 2019.05.07 Usurbil | Añorga | 0 - 0 Penaltietan 5 - 6 | Eibar | ehkirola.eus |
| [2. multzoa] 2019.05.01 Angelu | Genets | 1 - 4 | Aviron | ehkirola.eus |
| [2. multzoa] 2019.05.05 Amurrio | Alaves | 10 - 0 | Aviron | ehkirola.eus |
| [3. multzoa] 2019.05.05 Getxo | Bizkerre | 2 - 2 Penaltietan 1 - 4 | San Ignacio | ehkirola.eus |
| 2019.05.12 San Ignacio | San Ignacio | 0 - 1 | Eibar | ehkirola.eus |
| 2019.05.12 Gares | Mulier | 0 - 1 | Alaves | ehkirola.eus |
| Arrasate 2019.05.28 | Reala | 1 - 0 | Alaves | ehkirola.eus |
| Galdakao 2019.05.29 | Athletic Club | 1 -1 Penaltietan 4 - 3 | Eibar | ehkirola.eus |
| Azpeitia 2019.08.24 | Reala | 3 - 0 | Athletic | ehkirola.eus |
Angeluko Genêts 0-Eibar 5
Gaurko neurketan Eibar nagusi izan da Angeluko Genêts zelaian 2. multzoko 2. kanporaketan, eta Euskal Herria Kopako 2. fasera pasako da, dagoeneko sailkatuta dauden Mulier eta Añorgarekin batera. Ostiralean erabakiko da laugarren sailkatua, Pauldarrak eta San Ignacio artean jokatuko duten partidan.
Oiartzun 1-Añorga 2
Gaur arratsaldean Oiartzungo Karla Lekuonan Añorgak 2 eta 1 irabazi dio Oiartzun taldeari. Hartara, 2018ko Euskal Herriko Kopako 1. Multzotik Añorga pasatu da 2. fasera, pronostikoen arabera faboritoa Oiartzun zela pentsatzea bazegoen ere.
Mulier 5-Osasuna 4 (penaltietan)
Jokoa 0-0 amaitu ondoren, Mulier nagusitu da penalti jaurtiketan eta zuzenean pasako da Euskal Herriko Futbol Koparen 2. fasera, 4. multxoan bi talde bakarrik egokitu direlako.