EUSKAL PILOTA

Bizkaia Torneoaren laugarren jardunaldia jokatu da

2021/04/19

Argazkiak: Innpala

Bizkaia Pala Torneoaren laugarren jardunaldia jokatu zen pasa den asteburuan, Bizkaia Frontoian.

Lehenengo bi norgehiagokak ostiralean izan ziren, Maldonado-Ibai Perez bikotea Necol eta Cambosen aurka aritu zen eta Gaubeka-Gordon bikoak berriz Ibarguren eta Urrutiarekin neurtu zituen indarrak.

Aurreneko partidan, Innpalako bi palista onenetarikoak lehiatu ziren elkarren aurka, bata zein besteak etorkizun haundiko gaztea izan zutelarik bikotekide. Maldonado aurrelari ausarta da eta bi eskuekin ederki moldatzen dena nahiz eta oraindik asko ikasteko duen. Cambos aldiz potentzia ikaragarria duen palista da eta Txapelketako ezustekoa izan daiteke. Oraingoan baina, ez Cambos ezta Necolek (gripeak jota zegoena) ez zuten  bere maila eman eta 0-3 galdu zuten Maldonado eta Ibai Perezen aurka.

Bigarren partiduan, Ibarguren-Urrutia eta Gaubeka-Gordon bikoteak neurtu ziren, azken hauek nagusitu zirelarik 3-2ko emaitzarekin. Partidu ederra jokatu zuten bi bikoteek eta gerora irabazleak izandakoek 2-0 aurretik jartzea lortu bazuten ere, Ibarguren eta lehiako onena izandako Urrutia suspertu ziren eta hurrengo bi jokoak irabazita, bosgarren joko erabakigarrira eraman zuten lehia. Azken set honetan baina, nekearen ondorioz ezin izan zuten berau irabazi, garaipena gorrien alde erori zelarik

Larunbatean jokatu zen jardunaldiko hirugarren norgehiagoka, Fusto-Del Rio eta Garate-D.Ruiz bikoen artean. Aurrekoan bezala Ibargarayk ezin izan zuen parte hartu eta berriro ere Ruiz sestaotar gaztea aritu zen bere ordez. Partiduan denetarik egon zen, hutsegite nabarmenak zein tanto ederrak eta azkenean Fusto eta Del Riok erraz nagusitu ziren 3-1.

Asteburuko emaitzak:

Maldonado-Ibai Perez 3  Necol-Cambos 0

Gaubeka-Gordon 3 Ibarguren-Urrutia 2

Fusto-Del Rio 3 Garate-Ruiz 1

SAILKAPENA:

Gaubeka-Gordon, jokatutako partidak 4, irabazitako jokoak  11, galdutako jokoak 7: 11 puntu

Maldonado-Ibai Perez, jokatutako partidak 3, irabazitako jokoak  9, galdutako jokoak 2: 9 puntu

Fusto-Del Rio, jokatutako partidak 3, irabazitako jokoak  8, galdutako jokoak 5: 8 puntu

Necol-Cambos, jokatutako partidak 4, irabazitako jokoak  8, galdutako jokoak 8: 8 puntu

Ibarguren-Urrutia, jokatutako partidak 4, irabazitako jokoak  3, galdutako jokoak 12: 3 puntu

Garate-Ibargaray jokatutako partidak 2, irabazitako jokoak  1, galdutako jokoak 6: 1 puntu

Hurrengo jardunaldia:

Apirilaren 23an, 18:30h, Bizkaia frontoia

Maldonado-Ibai Perez vs. Garate-Ibargaray

Gaubeka-Gordon vs Fusto-Del Rio

Apirilaren 24an, Necol-Cambos vs. Garate-Ibargaray

Bizkaia Torneoa

3 fase izango ditu txapelketak:

a) Sailkapen Liga: Guztiak guztien aurka joan-etorrian.
b) Finalerdiak: 1. bikote sailkatua sailkapen Ligan 4. bikotearen kontra eta 2. sailkatua 3. sailkatuaren kontra.
d) Finala: Bi finalerdietako irabazleak nor baino nor.

Partida guztiak 5 jokorik onenean jokatuko dira. Bikote bakoitzak lortzen dituen joku adina puntu lortuko ditu. Jokuak 10 tantora izango dira (azken txapelketetan ohikoa izaten ari den eran partidak Bizkaia Frontoiaren Facebook-eko orriaren bidez emango dira).

Guztira 13 jardunaldi izango dira eta hasierako ligaxka amaitzen denean, ekainaren 12an finarlerdiak lehiatuko dira, finalaren txanda astebete beranduago izango delarik.

Share This