HERRI KIROLAK

Bertan behera geratu dira hainbat herri kirol ekitaldiak Bizkaian

by | 2020/11/08

Argazkiak: egursport.com

Gainontzeko kirol jarduerak bezalaxe, herri kirolen munduak ere gogor pairatzen ari da COVID19 gaitzak sorturiko pandemiaren ondorioak. Martxoaren 14an alarma egoera ezarri zutenetik, koronabirusari aurre egite hamaika neurri hartu ziren, zeintzuek ezinezkoa bilakatzen zuten herri kirol jaialdiak bere horretan mantentzea.

Geroago gauzak hobetu baziren ere, egoerak berriro ere egin du okerrera eta orain Bizkaiko Euskal Joko eta Kirol Federazioak atera berri duen agirian jakinarazten duenez, egunotan jokatzekoak ziren hainbat herri kirol ekitaldi bertan behera uzteko erabakia hartu du.

Izan ere, Eusko Jaurlaritzak argitaratutako 38/2020 DEKRETUA, azaroaren 6koa, lehendakariarena, zeinaren bidez honako dekretu hau aldatzen baita: 36/2020 Dekretua, urriaren 26koa, lehendakariarena, zeinaren bidez osasun publikoko prebentzio-neurriak hartzen baitira alarma-egoeraren adierazpenaren eremuan, egoera epidemiologikoaren bilakaeraren ondorioz eta SARS-CoV-2k eragindako infekzioen hedapena geldiarazteko aztertu eta gero, hurrengo zerrendan agertzen diren txapelketak bertan behera uzteko deliberoa hartu dute behin behinean, osasun agintariek lehiaketa hauek ospatzea baimendu artean:

-Azaroaren 14an lehiatzekoa zen Bizkaiko Zaldi Proba Txapelketa

-Azaroak 21ean jokatzeko programatuta zeuden 1. eta 2. Mailako Aizkolari Txapelketak

-Azaroak 28rako aurreikusia zegoen Bizkaiako Idi Proba Txapelketa

Aurretik, urriaren 27tik ezarrita zegoen alarma egoera berri honetan eta Eusko Jaurlaritzak ezarri zituen neurriak direla eta, 15 egunerako, profesionala edo semiprofesionala ez den kirol federatuko lehiaketak bertan behera uztea erabakita zuten. Hori zela eta, azaroak 7rako iragarrita zegoen Bizkaiko Trontza Mistoa eta Bizkaiko Promozio Mailako Harrijasotze Txapelketak bertan behera geratu ziren momentuz, egoera eta ezarritako neurriek lehiaketa federatuak antolatzen uzten dituztenerako.

Herri kirol jaialdia Mallabian

Herri kirol jaialdia Mallabian

Finalerako sailkatu dira Suharri Rodriguez-Jokin Urretabizkaia aizkoran eta Mikel Lopetegi Urra harrijasotzen

Share This