MENDI LASTERKETAK
Berako Mendi Maratoi Erdia ez da aurten lehiatuko
![87804616_2519393964850761_5150173637721980928_o](https://ehkirola.eus/wp-content/uploads/2020/03/87804616_2519393964850761_5150173637721980928_o.jpg)
Aurtengo Berako Mendi Maratoi Erdia bertan behera uztea erabaki dute antolatzaileek, osasun-agintarien gomendioei jarraituz
Apirilaren 19an egitekoa zen lasterketaren hamaseigarren edizioa hurrengo urterarte atzeratu dute beraz koronabirusak eragindako pandemia dela eta.
Covid-19 koronabirusaren eraginagatik, osasun-agintarien gomendioei jarraituz eta lasterkarien eta boluntarioen estaldura medikoa ziurtatzeko Berako Mendi Maratoi Erdiaren antolatzaileek lasterketa ezerezean uzteko deliberoa hartu dute. Aurten ez da lasterketa hau egingo, ez aurreikusitako datan ezta beste batean ere, orain erronka 2021ko apirilean lehiatu ahal izateko prestakuntza lanetan dutelarik.
Maratoi erdiaren antolatzaileek, Manttale Mendi Lasterketa Taldea eta Agerra Mendi taldeak, aurten zein aurreko urteetan lasterketa antolatzen lagundu duten bolondres, korrikalari, enpresa, saltoki eta erakundeek emandako laguntza eskertu nahi izan dute, ororen gainetik.
Aurtengo edizioa, XVI.a izan behar zuena, goizeko 09:30etan abiatzekoa zen Berako Toki Ona Kiroldegitik, helmuga ere bertan kokatuta zegoelarik.
21 kilometrotako lasterketa ezagun honetan, iazko edizioan honela geratu zen sailkapen orokorra:
Gizonezkoetan:
1.- OIER ARIZNABARRETA AGUIRRE, 1:39:38
2.- WALTER BEZERRA PAEZ, 1:42:43
3.- XABIER ZARRANZ OSINAGA, 1:43:58
Emakumezkoetan:
1.- AINHOA SANZ RODRIGUEZ, 1:56:56
2.- OIHANA KORTAZAR ARANZETA, 2:00:45
3.- MARIA ZORROZA IRIONDO, 2:03:20
Bestalde, lasterketaren inoizko markarik onenak honakoak dira:
Gizonezkoetan: OIER ARIZNABARRETA, denbora: 1:37:30 (2014)
Emakumezkoetan: AINHOA SANZ, denbora: 1:56:56 (2019)
XVI. BERAKO MENDI MARATOI ERDIA – 2020
LASTERKETAREN FITXA TEKNIKOA:
– BILDUTAKO GAINBERA: 2.714,60 METRO
– GAINBERA POSITIBOA: 1.308,30 METRO
– GAINBERA NEGATIBOA: 1.406,30 METRO
– IGOERAREN GEHIENEZKO PORTZENTAIA: 45,11%
– JEITSIERAREN GEHIENEZKO PORTZENTAIA: 31,17%
– DISTANTZIA TOTALA: 21,150 METRO
– DISTANTZIA GORUTZ: 9,72 KILOMETRO
– DISTANTZIA BEHERUTZ: 10,96 KILOMETRO
– GEHIENEZKO ALTUERA : 900,40 METRO (LARUN)
– GUTXIENEKO ALTUERA: 31,90 METRO (BERA)
Ainhoa Sanzek errekorra jarri du Cap de Creuseko mendi trailean
Urretxuarrak irabazi zuen 2:02:26 denbora eginda eta Oihana Kortazar elgetarra bigarren izan zen, bi minutura
Jon Erguin eta Maria Gomez nagusi Urduñako Mendi Duatloian
Emakumezkoetan Maria Gomez izan zen lehena, Mayi Mujika bigarren eta hirugarren Enara Oronoz. Gizonetan, Jon Erguin, Josu Urresta eta Alexander Ordeñana
Gontzal Murgoitio eta Onditz Iturbe nagusi Sorginen Lasterketan
Gizonetan, bigarren Xabier Zarranz izan zen eta hirugarren Beñat Katarain. Emakumeetan, bigarrena Oihana Azkorbebeitia eta hirugarrena Eztizen Duque