FUTBOLA
Atzeratu egin dira Gipuzkoako Futbol Federazioko hauteskundeak
![elecciones-guipuzcoana](https://ehkirola.eus/wp-content/uploads/2020/11/elecciones-guipuzcoana.jpg)
Argazkiak: fgf-gff.org
COVID19 gaitzaren eragina dela eta, Gipuzkoako Futbol Federazioko hauteskundeak atzeratu egin dira
Indarrean dauden neurri murriztaileak aintzat hartuta erabaki da presidentea aukeratzeko batzar eguna atzeratzea. Bereziki, batzarrak egiteko edukiera mugatua hartu dute kontuan. Hortaz, ez dira azaroaren 23an egingo eta Juan Luis Larrearen ordezkoa ezagutzeko itxaron beharko dugu.
Gainera, Federazioak berak kaleratu duen agirian ez da zehazten zein egunetan egingo diren hauteskundeak, nahiz eta mahai gainean dagoen balizko data abenduaren bigarren hamabostaldiaren barruan kokatu daitekeen, betiere egoerak baimentzen badu.
Era berean, Hauteskunde Batzordeak egindako bileran onartu ziren behin betikoz hauteskundeetara aurkeztutako bi zerrendak: Garai Berriak eta Gipuzkoa, denon joko zelaia. Plataforma bakoitzaren hautagai nagusia, eta gaineko kideek duten hurrenkera onartu dira.
Hauek dira, 2020ko Azaroaren 09an, arratsaldeko 8 tan telematikoki elkartu ondoren, Gipuzkoako Futbol Federazioko Hauteskunde batzordeak aho batez hartutako erabakiak:
LEHENENGOA: GFF-FGFko presidente izateko eta honen direktibako kide izateko aurkeztu diren hautagaitzen aurkako erreklamaziorik aurkeztu ez direnez, erabatez onartzen dira, Manuel Diaz de Marcosek burututako hautagaitza zein Adrian Merino Estrellak burututako hautagaitza, alegia.
BIGARRENA: E.A.E.n dagoen legealdi egoera dela eta, non 36/2020 eta 38/2020 dekretuak indarrean dauden, ezinezkoa da Azaroaren 23an ospatu beharreko Batzar Orokorra egitea eta, beraz, atzeratu beharrean aurkitzen gara. Guzti hau dela eta, gaur egun ezin da ospaketa data zehaztu. Atzeratze honen arrazoiak, osasuna babesteaz gain noski, dekretu hauek adierazten dituzten jende kopuru eta elkartze mugak ditugu. Izan ere hauteskunde araudiak eta Estatutuek erabakitzen dituzten xedapenak bete ezinean aurkitzen gara, eta, aldi berean, Batzar Orokorreko kide guztion mugimendu mugak ere baditugu. Horrela, Hauteskunde Batzarraren iritziz, ez daude ekintzaren ospakizunerako egoera egokiak eta, ez eta bozkatzaileak bertaratzeko ere. Beraz, ospakizunerako egoera egokia dagoenean, Batzar Orokorrerako deialdia egingo da. Dena den, eta indarrean dauden neurriak aldaketak jasan ditzaketenez, deialdi hau abenduaren bigarren hamabostaldian egiteko aukera aztertuko da, osasun egoerak eta legeak uzten badute behintzat.
FUTBOLA
Reala finalera, Gasteizko Aurrera 12-0 gainditu ondoren
FUTBOLA/EUSKAL HERRIA KOPA > realsociedad.eus: Finalera Nesken taldeak Eukal Herriko Kopako finalerako txartela lortu zuen atzo Aurrera Vitoria 12-0 garaitu ostean. Partida Bergaran jokatu zen eta lehen unetik txuri-urdinek bere nagusitasuna erakutsi zusten....
Athletic lehen finalista
FUTBOLA/EUSKAL HERRIA KOPA Atzo, maiatzak 28, jokatu zen VII. EHE-ko koparen final erdian Athletic oso erraz nagusitu zen Oiartzunen aurka, 6-0 irabazi ondoren. Durangoko Tabiran jokatu zen partidan Ezkurdi taldeko neskatilak egin zuten ohorezko sakea eta bi...
Athleticek eta Alavesek jokatuko dute Euskal Herriko Txapelketaren finala
FUTBOLA/EUSKAL HERRIA TXAPELA Gaur Alaves eta Athletic-en arteko partidan erabaki da Euskal Herriko Txapelketaren bigarren talde finalista. Athletic-ek lehen postua zihurtatua zuen, baina Babazorroek 1-0 lortutako garaipenari esker Reala aurretau dute eta...