Abuztuaren 16an hiru partida izango ditugu XIII. EHKopan: Batetik, Athletic – Eibar, ‘A’ mailean; eta, bestetik, San Ignacio – Eibar C, eta Berriozar – Athletic C, ‘B’ mailean

Athletic – Eibar

‘A’ mailean Athletic – Eibar, Lezama 2 futbol zelaian jokatuko da, Lezaman,  19:00etan hasita. Sarrera doan izango da.

San Ignacio – Eibar C

‘B’ mailean bi partida jokatuko dira asteazkenean. Bata, San Ignacio – Eibar C. San ignacioko Udal Kiroldegia futbol zelaian jokatuko da, 18:00etan hasita. Sarrera doan izango da.

Berriozar – Athletic C

Asteazken honetako ‘B’ maileko bigarren partida, Berriozar – Athletic C izango da. Berriozar futbol zelaian jokatuko da, 20:00etan hasita. Sarrera doan izango da.

Laburrean

Abuztuaren 12an jokatu dira dagoeneko XIII. Euskal Herria Kopa 2023 edizioaren lehen partidak.

Euskal Herria Kopa bi mailetan antolatu da aurten ere, taldeen egutegiak ez digulako beste aukerarik utzi. Berez, lehiaketa batean jokatzekoa da Euskal Herria Kopa  Euskal Herriko herrialde guztietako taldeen artean, behetik gorako formatoan onenak finalera iristeko aukera izanda behintzat. Aurten ere ezin izan dugu horrela antolatu baina jarraituko dugu bestelako aukerak aztertzen Koparen berezko egitura bueltatzeko hurrengo edizioetan, azken urteetan behintzat beste aukerarik izan ez badugu ere.

10 klubetako 13 talde arituko dira lehian, Athletic, Reala eta Eibarren lehen eta bigarren taldeak izango baitira ‘A’ zein ‘B’ mailetan.

Abuztuan jokatuko dira sailkapen partida guztiak eta 3/4 postuetarako zein finalak irailaren 2/3an izango dira.

XIII. Euskal Herria Kopa ‘A’

‘A’ maila izango da maila nagusia. Bertan arituko dira Alaves, Athletic, Bizkerre, Eibar eta Reala taldeak. Bi multzotan jokatuko dira eta multzo bakoitzeko lehen sailkatua sartuko da finalean. ‘A multzoan’ arituko dira Bizkerre, Alaves eta Reala. Eta ‘B multzoan’, Eibar, Osasuna eta Athletic.

Finala irailaren 3an jokatuko da, Guardian (Araba)

‘A’ maila. Egutegia | Emaitzak

.

XIII. Euskal Herria Kopa ‘B’

‘B’ maila izendatu dugun kategorian ere bi multzo izango ditugu: A multzoan arituko dira Real Sociedad B, Mulier eta Arratia; eta B multzoan Athletic C, Eibar C, Berriozar eta San Ignacio. Liga formatuan jokatuko da eta multzo bakoitzeko irabazleek finala jokatuko dute, irailaren 3an.

‘B’ maila. Egutegia | Emaitzak

→ ehkirola.eus: VIII. Euskal Herria Kopa

→ ehkirola.eus: IX. Euskal Herria Kopa

→ ehkirola.eus: X. Euskal Herria Kopa

→ ehkirola.eus: XI. Euskal Herria Kopa

→ ehkirola.eus: XII. Euskal Herria Kopa

→ Wikipedia: Euskal Herria Kopa