Athletic – Alaves

Athletic-Alaves ostiral honetan jokatuko da, urriaren 1ean, alegia, 21:30etan hasita, San Mames futbol zelaian. VI.Euskal Herria Txapela 2021/22 edizioaren bigarren partida izango da, irailaren 18an jokatutako  Alaves 0-2 Osasuna partidaren ostean.

Euskal Herria Txapela

Euskal Herria Txapela, arestian azaldu bezala, Espainiako lehen mailako ligan jokatzen duten euskal taldeen artean jokatzen da. Elkarrean aurkako partidak kontutan hartuta sailkapena egiten da eta puntu gehien ateratzen dituzten bi taldeen artean jokatzen da finala.

2016/17 denboraldian jokatu zen lehen edizioa, denboraldi horretan lehen aldiz Euskal Herriko bost talde aritu zirelarik. Edizio horretako finala Athletic eta Alaves artean jokatu zen, baina txapela eman gabe gelditu zen, talde bietako jokalarien arteko istiluen ondorioz epaileak partida bertan behera utzi behar izan zuelako. Hurrengo edizioetako txapeldunak izan dira, hurrenez hurren, Athletic, Eibar, Reala eta Osasuna.

Publikoarekin jokatuko da

Aurreko denboraldi osoa publikorik gabe jokatu dira partida guztiak Covid19ko alarma sanitarioa dela eta. Orain, ordea, EAEn jokatzen diren partidetan  %60eko gehieneko edukiera ezarrita daukate eta murrizketarekin baina zaleak harmailetan jokatuko da partida.

Hurrengo partidak

VI. Euskal Herria Txapela 2021/22 edizioaren hurrengo partida hauxe izango da:

→ Reala-Athletic. Urriaren 31ko asteburuan jokatuko da, oraindik eguna eta ordua zehaztu gabe badago ere.

VI. Euskal Herria Txapela 2021/22