EUSKAL SELEKZIOA/PILOTA
Asier Aspuru pilotariak uko egin dio Espainiako selekzioari
Asier Aspuru pilotariak uko egin dio Espainiako selekzioarekin jokatzeari
“Soilik Euskal Herria ordezkatzen jokatuko nuke”, adierazi du. Erabaki berdina hartu dute Ekhi Ziarrusta eta Inhar Ugarte pilotariek ere.
Aurtengo urrian Munduko Pilota Kopa jokatuko da. Hitzordu horri begira, Espainiako selekzioarekin entrenatzera deitu dituzte Asier Aspuru, Ekhi Ziarrusta eta Inhar Ugarte pilotariak. Hirurek ezetz esan diote Alfonso Sanz Espainiako trinkete arloko hautatzailearen eskaintzari. “Espainiako selekzioak ez nau ordezkatzen”, adierazi du Aspuruk. “Soilik Euskal Herria ordezkatzen jokatuko nuke”, gehitu du.
Euskal kirolariak Espainiako selekzioarekin joatea Euskal Herriko selekzioaren ofizialtasun eza “normalizatzea” dela iruditzen zaio. Uko egitea, aldiz, gaia “sozializatzeko” eta “ofizialtasunaren aldeko kontzientzia sortzeko” modu bat dela uste du.
Asier Aspuru behean eta eskumako aldean ikurrina eusten:
Twitter
Alaves – Aviron, maiatzaren 5ean
2. multzoko 2. kanporaketa izango dugu Alaves-Aviron partida hau. Amurrion jokatuko da, maiatzaren 5ean, 12:00etan, Basarte futbol zelaian. Sarrera doan izango da
Genêts 1 – 4 Aviron
Emaitza honekin Baionako Avironek jokatuko du 2.multzoko 2.kanporaketa Alavesen aurka. Partida hori Amurrion jokatuko da, Basarte zelaian, maiatzaren 5ean, 12:00etan
Oiartzun 0 – 3 Añorga
Emaitza honekin Añorgak jokatuko du 1.multzoko 2.kanporaketa Eibarren aurka. Partida hau Usurbilen jokatuko da, maiatzaren 7an, arratsaldeko 18:00etan