SURFA
Aitor Francesena surf egokituko munduko txapelduna
Aitor Francesena garaile Kaliforniako surf egokituko Munduko Txapelketan
Iragan astean, surf egokituko herrialdeen arteko Munduko Txapelketa izan zen Kaliforniako La Jolla hondartzan. Ikusmen urriko kategorian Aitor Francesena 50 urteko surflari zarauztarrak urrezko domina irabazi zuen bigarren aldiz.
2016. urtean aurrenekoz surf egokituko munduko txapela lortu zuenetik, garaipen hura errepikatzea izan da Francesenaren helburu nagusia. 2017an brontzezko domina eskuratu zuen eta 2018an laugarren postuan geratu zen. 2019ko mundo txapelketa iazko abenduan jokatzekoa zen baina hiru hilabetez atzeratu egin zen eta tarte hau ondo baino hobeto baliatu du zarauztarrak bere mailarik onenean heltzeko lehiaketara.
Aitorrek sendo hasi zuen bere ibilbidea Munduko Txapelketan Elias Ricardo Diel brasildarraren, Thomas Da Silva frantziarraren eta Pablo Martinez argentinarraren aurka, eta nagusitasunez irabazi zuen lehen kanporaketan, VI1 kategorian. 9.00 eta 7.90eko bi olatuk eman zioten lehen postua.
Bigarren kanporaketan ere bere txandako onena izan zen (13.9), Elias Ricardo Diel brasildarraren (13.17), Thomas da Silva frantziarraren (6.94) eta Alvaro Perez uruguaitarraren (2.26) aurretik.
Hartara, finalera sailkatu zen eta bertan garaipen erosoa lortu zuen, aurkariekin alderatuta puntuazio askoz hobeak lortuta: Francesenak 14.20 puntu eskuratu zituen eta atzetik sailkatu ziren Elias Ricardo Diel brasildarra (7.74), Henry Martinez costarricarra (7.10) eta Joshua Loya estatubatuarra (3.47).
14 urte zituela glaukoma batek eragin zion eskuineko begian ikusmena galtzea eta 2012an olatu bortitz batek ezkerreko begia guztiz kaltetu zion, hartara ikusmena erabat galdu zuelarik. Hala ere aitorrek ez du inoiz surfarekiko grina galdu eta bigarren urrezko domina honek egindako ahaleginen saria izan da.
Euskaldunei dagokionez, Ibon Muguerza tolosarra ere txapelketako finalera ailegatu zen, beste kategoria batean. Istripu baten ondorioz ezker besoko mugikortasuna galdu zuen, baina hala ere Zarauzko olatuetan surf egiten jarraitu zuen eta egun Europako txapelduna da surf egokituan. Muguerza laugarren geratu zen La Jollan pasa den larunbatean amaitutako munduko txapelketan.
SURFA
Beñat Zarrabeitia: “Despachos y competitividad, claves hacia la oficialidad”
Beñat Zarrabeitiaren erreportajea [GARA 2018.09.02], Euskal Selekzioaren auziaren norabidean urrats kualitatiboak emateko beharraz
Ambiente inmejorable en la jornada de KSL2012 celebrada en la ola mítica de Lafitenia
SURFA Los participantes estaban deseando de competir en la ola y pudieron disfrutar a lo grande de las olas y el ambiente. En la primera prueba, se enfrentaron los equipos LONJAN, BAGA y el equipo local ARTHA-ANGELU. Los locales comenzaron muy fuertes, con una...
Ya está en marcha la última fase de KSL
SURFA Buenas olas y surf espectacular en la primera jornada de la última liga de KSL Los equipos clasificados han comenzado con mucha fuerza, pudiendo ver un nivel muy alto desde la primera prueba. En esta primera prueba se enfrentaron los equipos ZSE, LONJAN y...