HERRI KIROLAK
Ainhoa Iraizoz eta Josetxo Barberena, Nafarroako arpana mistoko txapeldunak
![Arpana mistoa Iraizoz-Barberena_tokikom_700x700](https://ehkirola.eus/wp-content/uploads/2021/09/Arpana-mistoa-Iraizoz-Barberena_tokikom_700x700-e1632740679818.jpg)
Nafarroako arpana txapelketa mistoaren kanporaketa jokatu zuten irailaren 25ean, larunbat arratsaldean Berriozarren. Hamaika bikotek hartu zuten parte hiru txandetan banaturik eta etzanda jarritako 45 ontzako enborrari hamar epai egin zizkioten, emaitzak honakoak izan zirelarik:
Ainhoa Iraizoz (Eltso) – Josetxo Barberena (Iraizoz), 04.48
Irune Biurrun (Antsoain) – Daniel Saldias (Arraioz), 04.54
Sela Goñi – Jesus Goñi (Lekaroz), 05.05
Olatz Altuna (Azkarate) – Josu Elizalde (Betelu), 05.47
Saioa Izura – Lur Gil (Berriozar), 05.48
Esti Gastearena – Unai Bertiz (Sunbilla), 06.24
Uxue Rodriguez (Burlata) – Iosu Huarte (Elkarte), 06.47
Nerea Huarte – Eder Goldarazena (Berriozar), 07.25
Lucia Etxeberria (Goizueta) – Urko De la Torre, 08.26
Andrea Goñi – Iker Goldarazena (Berriozar), 08.38
Maider Biurrun – Aimar Paz (Antsoain), 09.35
Kanporaketako lau onenek lortu zuten beraz finalerako txartela: Ainhoa Iraizoz (Elso) eta Josetxo Barberena (Iraizoz), Irune Biurrun (Antsoain) eta Daniel Saldias (Arraioz), Sela Goñi eta Jesus Goñi (Lekaroz) eta Olatz Altuna (Azkarate) eta Josu Elizalde (Betelu).
Gauzak horrela, Nafarroako arpana txapelketa mistoaren finala jokatu zuten larunbat honetan, urriaren 9an, Larraintzarko pilotalekuan, Ultzaman. Arestian aipaturiko lau bikoteak aritu ziren, etzanda jarritako 45 ontzako enborrean hamabi epai eginez.
Sailkapen kanporaketan bezala, finalean ere nagusi izan ziren Eltsoko Ainhoa Iraizoz eta Iraizotzeko Josetxo Barberena eta beraiek jantzi zuten txapela, 5 minutu eta 44 segundotan lanak amaituta. Lekarozko Sela Goñi eta Jesus Goñi izan ziren bigarren (6.09) eta Dani Saldias arraioztarra eta Antsoaingo Irune Biurrun hirugarren (6.26).Azkarateko Olatz Altuna eta Beteluko Josu Elizalde laugarren izan ziren (7.51).
Beti Gazte eta Ibarra nagusi lehen jardunaldian
Lesakarrak, emakumezkon 240 kilokoan, eta Ibarra, gizonezkoen 320 kilokoan
Euskal Herriko 4x4ko sokatira txapelketa
Igandean Artziniegan hasi, eta abenduaren 21ean amaituko da. Guztira zazpi jardunaldi jokatuko dira
Iker Vicente txapeldun Euskal Herriko aizkolari txapelketan
Iker Vicente Otsagabiako aizkolaria suertatu da txapeldun lehenengo aldiz Gasteizen jokatu den Euskal Herriko aizkolari txapelketan.