XII.Euskal Herria Kopa 2022 edizioa abuztuan eta irailean jokatuko da, bi mailetan antolatuta

Abuztuaren 13an jokatuko dira XI. Euskal Herria Kopa 2022 edizioaren lehen partidak. Bi mailetan antolatu da aurten ere, taldeen egutegiak ez digulako beste aukerarik utzi. Berez, Euskal Herria Kopa lehiaketa batean jokatzekoa da, Euskal Herriko herrialde guztietako taldeen artean, behetik gorako formatoan onenak finalera iristeko aukera izanda behintzat. Aurten ere ezin izan dugu horrela antolatu baina jarraituko dugu bestelako aukerak aztertzen Koparen berezko egitura bueltatzeko hurrengo edizioetan.  

Abuztuan jokatuko dira A mailekofinalerdiak eta B maileko kanporaketa guztiak. Finalak irailaren hasieran jokatuko dira maila bietan.

‘A maila’

A maila izango da maila nagusia. Bertan arituko dira futboleko maila nagusian diharduten Alaves, Athletic eta Reala taldeak, gehi, koadratzeko, Eibar taldea. Finalerdiak jokatuko dira eta finalerdietako irabazleek jokatuko dute finala.

Finalerdiak, zozketa eginda, hauexek izango ditugu:

• Reala – Athletic. ETBk zuzenean emango du. 

• Eibar – Alaves 

Irabazleek jokatuko duten finala ere ETBk zuzenean emango du. 

‘A maila’ egutegia

‘B maila’

B maila izendatu dugun kategorian bi multzo izango ditugu: A multzoan arituko dira Oiartzun, San Ignacio, Berriozar, Mulier eta Gasteizko Aurrera; eta B multzoan Bizkerre, Tolosa eta Angeluko Isatsak. Ligazko formatuan jokatuko da eta multzo bakoitzeko irabazleek finala jokatuko dute, irailaren 3an.

‘B maila’ egutegia

Sarrerak 

Internet bidez aldez aurretik sarrerak erosi ahal dira dagoeneko ‘A’ maileko REALA – ATHLETIC finalerdirako.

‘A’ maileko finalerako ere izango dira aldez aurretik erosteko aukera, behin finalerdiak jokatu eta gero.

Sarrerak erosteko → https://ehkirola.eus/sarrerak/

→ ehkirola.eus: VIII. Euskal Herria Kopa

→ ehkirola.eus: IX. Euskal Herria Kopa

→ ehkirola.eus: X. Euskal Herria Kopa

→ Wikipedia: Euskal Herria Kopa