FUTBOLA

Zer gertatuko da animazio-harmailarekin San Mamesen?

by | 2020/12/29

Argazkiak: Herri Harmaila

Igandean, abenduak 27, izan zen Athleticen Batzar Nagusia. Aitor Elizegik zuzentzen duen juntak ezezkoak jaso zituen mahai gaineratu zituen puntu guztietan. Baina kluben barneko egoera eta arazoetaz jardunik ez dugun elkartea izanik, oraingoan arreta jarri nahi diogu animazio-harmailaren proposamenarekin gertatutakoari. Eta horretarako Garazi Soldevilla (Bilbo, 1991), Iñigo Cabacas herri harmailako kidea elkarrizketatu dugu.

Egun on Garazi, zer zen atzo Athleticen batzarrean animazioa-harmailaren inguruan bozkatu zena?

Iñigo Cabacas-Herri harmailan denbora generaman kezkaturik San Mames Berrian ez zegoelako lehengo San Mamesen zegoen giroa. Animazio taldeak 800 lagunentzako tokia genuen zelaiaren izkin batean eta horrela ezin zen,  Anoetan,  Mendizorrotzan, edo Sadarren egoten  den giroa sortu taldea animatzeko, eta gazteak eta zaletuak ezin zuten futbola bere erara bizi.

Hartara, denbora generaman ate atzeko harmaila osoa animaziotarako eskatzen. Athleticeko zuzendaritzak, Aitor Elizegiren gidaritzapean, bere asmoen berri ematen joan zaigu. Ez dugu negoziaketa formalik izan, baina etengabeko informazioa bai. Azkenean, batzarra baino lehen euren  asmoa agertu ziguten. Ate atzeko 15 lerro osoak animaziorako izatea proposatzen zuten. Beraz, aurretik 800 lagunentzako tokia bagenuen, egitasmoa onartuz gero 2.200 lagunentzako lekua izango genuen.

Ez zen gure asmo osoa betetzen horrekin (guk harmaila osoa beharrezkoa ikusten baikenuen), baina aurrerapausua zelakoan, malgu jokatu eta baietza eman genion. Eta asmoa babestu egin genuen.

Eta zer da gertatu dena?

Batzarrak ez du onartu Athleticeko zuzendaritzak proposatu eta guk ontzat ematen genuen proposamena, 9 bozkagatik. Ez ditut datu absolutuak buruan baina beste puntuetan izan duena baino alde txikiagoa izan da honetan, baina egia esan ezustea izan da. (339 bozka alde izan zituen proposamenak eta 348 aurka, eta 41 abstentzio. Aurrekontuak aldiz, 256 bozka alde 454 bozka aurka).

Zeintzuk dira alde eta kontra bozkatu dutenen argudioak?

Kontra bozkatzeko arrazoiak bistakoak dira. Alde batetik Aitor Elizegiren juntak duen oposizio orokorra, eta bestetik harmailetan lehenagotik zeuden bazkideek mogitzeak euren ustetan dakarkien kaltea edo gutxienez euren aburuz eman den elkarrizketa eskasia.

Eta alde bozkatzeko, lehenago ere esan dugu, San Mames zaharrean zegoen giroa berreskuratzea, eta 800 lagunentzako tokia  2.200 lagunentzako  egitea taldea animatzeko, eta ikuskizunarekin gozatzeko.

Ze egoeratan gelditzen da gaia?

Gu momentuz, klubak egiten edo proposatzen duenaren zain geratuko gara. Eurei dagokie proposamena egitea. Eta bestalde guk, gure artean ere, kolektibo anitza eta zabala garen heinean hausnarketa fase bati ekingo diogu.

Athletic-Eibar, martxoaren 20an

Athletic-Eibar, martxoaren 20an

Arratsaldeko 14:00etan hasiko da, San Mames futbol zelaian. V. Euskal Herria Txapela 2020/21 edizioaren hamalaugarren partida izango da

Alaves 0-1 Osasuna

Alaves 0-1 Osasuna

Osasuna nagusi izan da V. Euskal Herria Txapela 2020/21 edizioaren hamairugarren partidan. Athletic-Eibar izango da hurrengo norgehiagoka, martxoaren 21eko asteburuan.

Alaves – Osasuna, larunbatean

Alaves – Osasuna, larunbatean

Arratsaldeko 18:30etan hasiko da, Mendizorrotza futbol zelaian. V. Euskal Herria Txapela 2020/21 edizioaren hamairugarren partida izango da

Share This