Sailkapen faseko azken jardunaldia izango da larunbatean. Jokoan izango dira finalerako eta gainerako postuetako txartelak. 

‘A’ maila: Alaves-Reala

‘A’ mailekoa izango da Alaves-Reala, maila horretako azken partida, eta bertan erabakiko da finalean zein izango den Athleticen aurka Kopa eskuratzeko lehian. Berdinketarekin Reala sailakauko litzateke, eta, beraz, Alavesek irabazi beharra dauka finalean egon ahal izateko. Guardiako El Prao futbol zelaian jokatuko da, arratsaldeko 18:30etan hasita. Sarrera 8€koa izango da. Doainik izango dute C.F.Rioja Alavesa Luzernako bazkideek eta 14 urte artekoek.

‘B’maila: Berriozar-Eibar C

Berriozar – San Ignacio ‘B’ maileko partida ere larunbatean jokatuko da, abuztuak 19, Berriozarren, 12:15ean hasita. Sarrera doan izango da.

‘B’ maila: Mulier-Arratia

Larunbat honetako hirugarren partida, Mulier-Arratia, ‘B’ mailekoa hau ere, Sarrigurengo futbol zelaian jokatuko da, eguerdiko 12:15ean hasita. Sarrera doan izango da.

‘B’ maila: San Ignacio-Athletic C

Larunbat honetako laugarren partida, San Ignacio-Athletic C, ‘B’ mailekoa hau ere, San Ignacioko Udal Kiroldegiko futbol zelaian jokatuko da, arratsaldeko 17:00etan hasita. Sarrera doan izango da.

Sariak GUARDIAn jokatuko diren partidetan: ‘A’ maileko Alaves-Reala eta Finala

Laburrean

Abuztuaren 12an jokatu ziren XIII. Euskal Herria Kopa 2023 edizioaren lehen partidak. Beheko tauletan ikus daitezke orain arteko emaitzak eta Kopako egutegia ere.

Euskal Herria Kopa bi mailetan antolatu da aurten ere, taldeen egutegiak ez digulako beste aukerarik utzi. Berez, lehiaketa batean jokatzekoa da Euskal Herria Kopa  Euskal Herriko herrialde guztietako taldeen artean, behetik gorako formatoan onenak finalera iristeko aukera izanda behintzat. Aurten ere ezin izan dugu horrela antolatu baina jarraituko dugu bestelako aukerak aztertzen Koparen berezko egitura bueltatzeko hurrengo edizioetan, azken urteetan behintzat beste aukerarik izan ez badugu ere.

10 klubetako 13 talde arituko dira lehian, Athletic, Reala eta Eibarren lehen eta bigarren taldeak izango baitira ‘A’ zein ‘B’ mailetan.

Abuztuan jokatuko dira sailkapen partida guztiak eta 3/4 postuetarako zein finalak irailaren 2/3an izango dira.

XIII. Euskal Herria Kopa ‘A’

‘A’ maila izango da maila nagusia. Bertan arituko dira Alaves, Athletic, Bizkerre, Eibar eta Reala taldeak. Bi multzotan jokatuko dira eta multzo bakoitzeko lehen sailkatua sartuko da finalean. ‘A multzoan’ arituko dira Bizkerre, Alaves eta Reala. Eta ‘B multzoan’, Eibar, Osasuna eta Athletic.

Finala irailaren 3an jokatuko da, Guardian (Araba)

‘A’ maila. Egutegia | Emaitzak

.

XIII. Euskal Herria Kopa ‘B’

‘B’ maila izendatu dugun kategorian ere bi multzo izango ditugu: A multzoan arituko dira Real Sociedad B, Mulier eta Arratia; eta B multzoan Athletic C, Eibar C, Berriozar eta San Ignacio. Liga formatuan jokatuko da eta multzo bakoitzeko irabazleek finala jokatuko dute, irailaren 3an.

‘B’ maila. Egutegia | Emaitzak

→ ehkirola.eus: VIII. Euskal Herria Kopa

→ ehkirola.eus: IX. Euskal Herria Kopa

→ ehkirola.eus: X. Euskal Herria Kopa

→ ehkirola.eus: XI. Euskal Herria Kopa

→ ehkirola.eus: XII. Euskal Herria Kopa

→ Wikipedia: Euskal Herria Kopa