EUSKAL PILOTA
Xareko finalak jokatu ziren iragan larunbatean
![IMG20210515121919_tokikom_700x700](https://ehkirola.eus/wp-content/uploads/2021/05/IMG20210515121919_tokikom_700x700.jpg)
Argazkiak: ataria.eus
Xareko I. Irurako Irekiak eta Gipuzkoako Txapelketen finalak jokatu ziren pasa den larunbatean, maiatzak 15, goizez eta arratsaldez, Irurako Ametsa trinketean.
I. Irurako Xare Irekiaren Gaztetxoak mailako finalarekin eman zitzaion hasiera pilota jaialdiari, Murua II.a-Arsuaga bikoteak Murua I.a- Calongeren kontra jokatu zuelarik (bi aurrelariak, anaiak eta bikiak dira). Lehenak ziren faboritoak, aurretik ligaxkako partida guztiak irabazita zetozelako, baina Murua I.a eta Calongek 30-22 irabazi zieten.
Bigarren partidan, Gazteak mailako finala, Galartza II.a-Aristi eta Maiza-Heras bikoteek neurtu zituzten indarrak. Hemen ere, lehenak faboritoak ziren nagusitasun handiz irabaziak zituztelako partida guztiak baina Maiza-Herasek pronostikoak hautsi eta partida serio bat eginez, 35-25 irabazi zuten.
Goizeko hirugarren partidan, Nagusiak mailako Gipuzkoako Txapelketa jokatu zuten Lopetegi-Moncadak eta Sainz-Apeztegia I.a. Aurreko bi partidetan ezusteko txiki batzuk izan baziren ere, hirugarrengoan Lopetegi-Moncadak ez zieten aukerarik eman Sainz-Apeztegia I.ari, eta 40-14 irabazi zieten.
Arratsaldez, Emakumezkoak mailan, Mujika-Gorriti bikoa zen faborito, baina Goenaga-Fernandez bikoa gehiago izan zen kantxa gainean, eta partida gogor baten ostean, merezimendu osoz 35-30 irabazi zuen. Goenaga eta Fernandezek bikote orekatua osatzen dute eta Mujika aldiz, gaztea da oso, eta ez dago maila honetako partidak jokatzen ohitua.
Jardunaldia amaitzeko, jubenilak mailako Gipuzkoako Txapelketa lehiatu zen, non Mendizabal- Isasa bikoak 40-37 irabazi zion Zabalegi-Iturbe bikoteari. Hala ere, Zabalegi-Iturbe ezustekoa emateko zorian egon ziren, izan ere aurretik joan ziren partidaren hasieratik (10-21, 14-27 eta 20-30). Aurkariak orduan suspertu eta 37-31 aurretik jarri ziren. Galtzaileak bi tantora gerturatu ziren (39-37) baina ezin izan zuten ezusstekoa burutu.
Dena prest dago Lau eta Erdiko Emakumeen aurtengo txapelketaren finaletarako
Pilota goxoarekin Patri Espinar eta Leire Etxaniz neurtuko dira, eta pilota mistoarekin Miren Larrarte eta Miriam Arrillaga
Lau eta erdiko Emakume Master Cup txapelketako finalistak
Abenduaren 15ean jokatuko dituzte finalak, Barakaldoko pilotalekuan.
Ehun urteren bueltan xareari gorazarre egingo diote Iruran
Hainbat ekitaldi antolatu dituzte Irura eta xarearen arteko loturak ehun urte bete dituenean