EUSKAL SELEKZIOA/WATERPOLO
Waterpoloko emakumezkoen Euskal Selekzioa Mexiko bidean
Waterpoloko emakumezkoen Euskal Selekzioak torneo bat jokatuko du Mexikon asteazkenetik igandera bitartean, bertako A eta B selekzioen aurka. Oraindik zehaztu gabe dagoen beste talde baten kontra ere lehiatuko da.
Lehiaketa hau Euskal Herriko emakumezkoen waterpoloko selekzioarentzat itzulera modukoa da, bi urtez jokatu gabe egon ostean. Azken partida 2017ko martxoan jokatu zuen Portugalen, eta irabazi gainera. «Waterpoloa bultzatzeko modu bat izango da, Euskadiko Waterpolo Federazioak Nafarroakoarekin duen erlazio ona baliatuz», nabarmendu dute Euskadiko Federaziokoek.
Hautatzaileak Jon Lopez eta Imanol Maiza dira, eta deialdia jokalari hauek osatzen dute: Ane Jaime, Marta Jaime, Uxue Hernandez, Ane Garcia, Leire Fernandez (Leioa); Aida Bartolome (Dos Hermanas); Patricia Hoyos, Yari Etxabe, Ane Cuervo, Joane Mujika (CW 98’02); Naia Duran (Mediterrani); Maialen Ona (Cuatro Caminos); eta Sara Perez (Zaragoza).
Larra-Belaguako Snowrunning proba larunbatean izango da
Elur gainean jokatuko den 11 kilometroko lasterketa hau 2020ko mendi lasterketen Rankingaren bigarrena izango da
Euskal Selekzioak parte hartuko duen Waterpolo EU Nations txapelketan aldaketak izan dira
Emakumezkoen txapelketa astebete atzeratu da eta gizonezkoetan lau selekzio gehio arituko dira
Kirolean generoaren araberako bereizketa abolitzeko manifestua
Zuen gorrotoa ez da gure zelaietan kabitzen lemapean, LGTBI+fobia kiroletik desagerrarazteko deia egin dute