EUSKAL PILOTA
Urriza-Zaldua eta Ansa II-Labakak jokatuko dute sagardoaren finala
![193727361_225177892794908_6864949553638245078_n](https://ehkirola.eus/wp-content/uploads/2021/06/193727361_225177892794908_6864949553638245078_n.jpg)
Sagardoaren Txapelketaren finala erabakita geratu zen astelehen gauean eta orain arteko bi bikoterik sendoenek, Urriza-Zaldua eta AnsaII-Labakak, lortu dute datorren astelehenean izango den finalerako txartela. Beraz, finala Bereziartua eta Setien sagardotegien artean jokatuko da.
Finalerdietan Segurola-Larrañaga (Gaztañaga) eta Goikoetxea V-Aizpuru III.a (Gurutzeta) gainditu zituzte ETB1eko Erremontari saioaren barruan.
Lehenengo finalerdian Urriza eta Zalduak franko sufritu behar izan zuten Segurola eta Larrañaga gainditzeko. Azkenean, errebotez bi pareta jokaldia irten zitzaion Urrizari eta 30 eta 29koa igo zuen markagailura. 29na iritsi eta gero edonork irabazi zezakeen, baina txanpona Bereziartua ordezkatzen duen bikotearen alde erori zen.
Partidua oso berdindua izan zen eta inork ez zuen lortu markagailua haustea. Egiari zor, gorriak joan ziren agintzen ia partidu osoan, baina abantailak tantokoa edo bi tantokoak ziren. Urdinak beti egon ziren gertu eta amaiera aldera aurretik ere jarri ziren. Hala ere, azken tantoan zortea lagun izan zuten gorriek eta finalerako txartela eskuratu zuten.
Bigarren finalerdian Ansa eta Labakak erosoago lortu zuten garaipena, 30-22, baina horrek ez du esan nahi partidu erosoa izan zutenik. Alderantziz urdinek beraien aukerak izan zituzten. Hasiera parekatua izan zuen partiduak, baina Ansa eta Labakak partiduaren erdira hurbiltzen ari zirela aldeak haunditzen hasi ziren eta zortzi tantoren aldea ere eskuratu zuten 24-16. Orduan Joxi Aizpuruk atsedena eskatu zuen eta ongi etorri zitzaien geldialdi hori urdinei. Sei tanto egin zituzten erreskadan eta 24-22, bi tantora hurbildu ziren. Hala ere, berriz sakea eskuratu ondoren, gorriak 30garren tantora joan ziren zuzenean.
Beraz, bi bikote faboritoak pasa dira finalera eta astelehenean jokatuko da finala, Setien eta Bereziartuaren artekoa.
Maiatzaren 31ko emaitzak:
- Urriza-Zaldua 30 Segurola-Larrañaga 29
- Ansa II.a-Labaka 30 Goikoetxea V.a-Aizpuru III.a 22
Oialume Zar eta Larre Gain sagardotegiek lortu dituzte lehenengo lau puntuak
Emaitzak: Goikoetxea V.a-Barrenetxea IV.a 30 Ansa II.a-Juanenea 29 eta Urriza-Zubiri 30 Segurola-Azpiroz 17
Emakumezkoen pilotako II. Nafarroako txapelketa igandean hasi zen Antsoainen
Eskuzko txapelketa partida politekin eta giro onenarekin abiatu zen, hiru partida jokatu zirelarik
Abian da aurtengo Laxoa Txapelketa
Asteburu honetan jokatu dira lehenengo 2 jardunaldiak, ostiral, larunbat eta igandean