HERRI KIROLAK/SOKATIRA
Sokatira jardunaldia Berriozarren
![86319459_1263621423833543_6318385457830821888_o](https://ehkirola.eus/wp-content/uploads/2020/02/86319459_1263621423833543_6318385457830821888_o.jpg)
Iragan larunbatean lehiatu zen Berriozarren Euskal Herriko zortzinakako Sokatira txapelketako jardunaldia, gizonezkoetan (560 kilo) eta emakumezkoetan (500 kilo)
Berriozarren, 560 kilotan gizonezkoak neurtu ziren egun bakarrera eta 500 kilotan emakumezkoek txapelketako azken jardunaldia izan zuten
Esan bezala, Berriozarren 560 kilotan goma gaineko tiraldiak lehiatu ziren. Irabazlea Ibarra izan zen, Lesakako Beti-Gazteren aurretik. Ibarrako taldeak tiraldi guztiak irabazita eskuratu zuen txapela. Bigarren Beti-Gazte izan zen bi tiraldiak Ibarraren aurka galduta. 680, 640 eta 600 kiloko txapelak jantzi ondotik, 560 kilokoa ere janzteko helburua zuten lesakarrek, baina amore eman behar izan zuten Ibarraren kontra. Hirugarren Gaztedi Laukizkoa izan zen eta jarraian Berriozar laugarren, Murueta bosgarren eta Txantrea seigarren sailkatu ziren.
Emakumezkoek ere euren azkeneko ekitaldia 500 kilotan izan zuten, eta irabazlea Gasteizko Badaiotz izan zen, ondoren Txantrea, Beti-Gazte, Gaztedi, Ibarra eta Antsoain sailkatu zirelarik. Oso txapelketa parekatua izan da honakoa. Lehen jardunaldian Badaiotz nagusitu zen, Txantrea eta Beti Gazteren aurretik; bigarrenean lesakarrak izan ziren irabazle, gasteiztarrak eta txantrearrak gaindituz eta larunbatean, Txantrea izan zen garaile, Beti Gazte eta Badaiotzen aurretik. Honela, hamabosna puntutan berdinduak gelditu ziren hiru taldeak sailkapen orokorrean eta berdinketa hausteko tiraldiak lehiatu behar izan ziren, azkenean Badaiotz txapeldun suertatu zelarik.
Igande goizean Ezkabarten, 580 kilotan txapelketa mistoa jokatuta Euskal Herriko goma gaineko sokatira txapelketari amaiera emango zaio.
Orain Munduko txapelketa jomuga
Otsailaren 20tik 23ra Irlandako Donegal konterriko Lettekenny hirian jokatuko da Munduko txapelketa. Ostegunean eta ostiralean kluben arteko lehia izango da eta larunbat eta igandean nazioartekoa, non Euskal Herriko selekzioak parte hartzen duen.
![](https://live.staticflickr.com/65535/49547464162_125a833064_z.jpg)
![](https://live.staticflickr.com/65535/49547237726_e9033b580a_b.jpg)
Euskal Herriko Sokatira Txapelketa Idiazabalen
Beti-Gazte sokatira taldeak, 640 kilotan gizonezkoak eta 540 kilotan emakumezkoak, izan ziren txapeldunak Idiazabalen
Beti Gazte, sokatiran jaun eta jabe, bihar berriro lehian Idiazabalen
Orainarte erakutsitako nagusitasunari segida emanez lesakarrek beste bi txapela janzteko aukera izango dute
Zortzinakako Sokatira Txapelketa Busturian
640 kiloko gizonezkoak aritu ziren igandean eta Beti Gaztek bere erabateko nagusitasunari eutsi zion