BUKATU DA VII.EUSKAL HERRIA TXAPELAREN LEHEN ITZULIA

Realak eta Athleticek larunbatean jokatutako derbiarekin bukatu da VII. Euskal Herria Txapelaren lehen itzulia. Aurten, halabeharrez, Athleticek, Realak eta Osasunak elkarren artean jokatutako partidak bakarrik hartuko dira kontuan. Egun, eurak dira Liga Santanderren dauden euskal taldeak.

Ea hurrengorako Alaves eta Eibar lehen mailan ditugun, eta Iparraldeko talderen bat ere aintzat har dezakegun.

Realak etxean jokatu ditu bi partidak, eta biak irabazi dituenez, dagoeneko lortua du finalerako pasea, ikusi beharko da zer gertatzen den bigarren itzulian. Bai Osasunak eta bai Athleticek, biek ala biek aukera dute oraindik finalera iristeko, bai eta lehen postua eskuratzeko ere.

VII. Euskal Herria Txapela 2022/2023

Aurtengo edizio honetan hiru talde lehiatuko dira Txapela eskuratzeko: Athletic, Reala eta Osasuna. Izan ere, 2021-22 denboraldian, Alaves jaitsi egin zen Espainiako Ligako 2. mailara, eta Euskal Herria Txapela lehen mailan diharduten taldeen artean jokatzen da, ezinbestez. Hiru talde izanik, sei partida jokauko dira finalerako sailkatzeko fasean. Lehenengo bien artean jokatuko da finala.

VI. Euskal Herria Txapela 2021/22

Athleticek irabazi zuen Euskal Herria Txapelaren azken edizioa, eta bera dugu oraingo Txapelaren jabea, aurtengo lehiaketa amaitu artean.

Webgune honetako artxiboetaz aparte, Euskal Herria Txapelako datu guztiak eskuragarri daude euskal wikipedian.