EUSKAL PILOTA
Lau eta erdiko Emakume Master Cup txapelketako finalistak
![pilota emakumeak](https://ehkirola.eus/wp-content/uploads/2019/12/pilota-emakumeak.jpg)
Lau eta erdiko Emakume Master Cup txapelketak baditu finalistak
Pilota mistoarekin, Miriam Arrillaga eta Miren Larrarte ariko dira lehen txapelaren lehian. Goxoarekin, berriz, Patri Espinar egungo txapeldunak bere lekua defendatuko du Leire Etxanizen aurrean. Abenduaren 15ean jokatuko dituzte bi finalak, Barakaldoko pilotalekuan.
Bideoa: eitb.eus
Laboral Kutxa Emakume Master Cup-en, aurten berrikuntza nagusia den pilota mistoko txapelketan, gipuzkoarren eta klub berean (Su-Berri elkartekoak dira) aritzen diren bi pilotarien artean jokatuko da finala. Lehenik, Miriam Arrillaga aginarrak 18-5 hartu zuen mendean Leire Garai gasteiztar pilotaria eta bigarren finalaurrekoan Miren Larrartek (Bidania) eskuratu zuen finalerako txartela, Laia Salsamendi uhartearra 18-13 garaituz.
Pilota goxoarekin, bizkaitarren arteko finala egongo da ordea. Iazko finalean aritutako pilotari berak izan dira lehen finalaurrekoan: Olatz Arrizabalaga eta Patri Espinar aritu dira lehian eta azkenekoa sailkatu da finalerako 18-7 irabaziz. Emozio gutxiko finalaurrekoa izan da azkena. Etxaniz eroso aritu da jokoan, eta erraz gainditu dufinalerako txartela eskuratu du. 18-2.
Esan bezala, lehenengo aldia da txapelketa hau pilota mistoarekin jokatzen dela eta ematen duenez aurrerantzean ere pilota mistoaren modalitateak jarraituko du. Finalerdietan goxoarekin oso joko polita ikusi genuen, baina egia da pilota mistoarekin beste hots bat sortzen dela, beste itxura bat duela, alegia.
Bestalde, finalerdietan jende dezente gerturatu zen partidak ikustera, eta oso giro polita izan zen, Barakaldoko finalean ere jende andana biltzea espero delarik.
Arribas-Garciak eta Iris-Mateok jantzi dituzte Nafarroa Foru Komunitateko lehen txapelak
Larrarte eta Erasunek Nafarroa Arenarako lehen txartelak eskuratu zituzten
Mendaur taldeak irabazi du Malerrekako pilota erronka
Partida bana irabazi zuen talde bakoitzak, baina Mendaurkoek lau tanto gehiago egin zituzten
Segurola eta Barrenetxea IV.ak Ansa II.a eta Azpiroz gainditu dituzte
40-37 irabazi zieten beste partida ikusgarri batean