EUSKAL PILOTA
Hondarribiako Grand Slam Txapelketako finalerdiak jokatu dira
![121040294_2411274709178049_5206042229065801564_o](https://ehkirola.eus/wp-content/uploads/2020/10/121040294_2411274709178049_5206042229065801564_o.jpg)
Hondarribiko Jostaldi pilotalekuan jokatu ziren iragan asteburuan Grand Slam txapelketaren finalerdiak, harmailetan berrehun bat lagun zirela, Olharan-Etcheto vs Beaskoetxea-Lopez eta Goikoetxea-Irastorza vs Olha-Del Rio bikoteen arteko lehiak bertatik bertara ikusteko asmoz.
Azkenean, Beaskoetxea-López eta Goikoetxea-Irastorza bikoteak nagusitu ziren eta haien artean lehiatuko dira final haundian datorren ostiralean.
Aurreneko finalerdian, Olharan eta Etcheto ziren faboritoak, ligaxkako bi partidak irabaziak zituztela kontutan hartuta. Egiari zor, partiduan zehar nagusitasuna erakutsi zuten momento askotan baina hala ere azkenean Beaskoetxea-Lopez bikoak eskuratu zuen garaipena (15-12, 14-15, 1-5).
Lehenengo seta orekatua joan zen baina markagailuan 7 eta 6koa zegoela, gorriz jantzitako Iparraldeko bikoteak zuloa irekitzea lortu zuen (13-8), azkenean 15-12 nagusitu zirelarik. Bigarrengo jokoan, urdinak hasi ziren aurretik (0-2) baina Olharan eta Etchetok margagailua irauli eta 10-6 irabazten jarri ziren. 14-11 aurretik zeudela baina, 0-4ko partziala lortu zuten Beaskoetxea eta Lopezek eta jokoa irabazi zuten (14-15). Berdinketa hausteko jokoan ere, urdinak nagusitu ziren (1-5) eta beraz Beaskoetxea-Lopez bikoak eskuratu zuen finalerako txartela.
Bigarren partiduan aldiz, faboritoak zirenak ez zuten huts egin eta garaipen erosoa eskuratu zuten, bi setetan eta apenas 50 minututan Goikoetxea-Irastorza bikoak (15-7 eta 15-8) irabazi ziolarik Olha-Del Rio bikoteari.
Lehenengo seta indartsu hasi zuten gorriek eta aldea ireki zuten markagailuan (7-1), hortik aurrera abataila mantendu (13-6) eta jokoa erraz itxi zutelarik (15-7). Bigarrengo seta era berdintsu hasi zen, Goikoetxea eta Irastorza aurretik nabarmen jarrita (10-4). Aldea murrizteko saiakeraren bate gin zuten urdinek (10-7 eta 11-8) baina orduan gorriak tantu erreskada egin eta jokoa (15-8) zein partidua irabazi zuten.
Beraz, datorren ostiralean, urriak 16, jokatuko da Hondarribiko Jostaldi pilotalekuan Grand Slam Txapelketaren finala, GOIKOETXEA-IRASTORZA eta BEASKOETXEA-LOPEZ bikoteen artean.
Hondarribia Grand Slam Txapelketa
Bi taldetan egon da banatuta lehiaketa:
A Taldea:
Goiko-Irastorza
Beaskoetxea-Lopez
Barandika-Mancisidor
B Taldea:
Olharan-Etcheto
Hormaetxea-Minvielle
Olha-Del Rio
2022ko E.H-ko Pilota Egokituko topaketa, larunbatean Azpeitian
Lehen aldiz, Euskal Herri mailako Pilota Egokituko topaketa bat antolatuko da
Markina-Xemeingo Grand Slama ekainaren 12an hasiko da
Puntistarik onenak ibiliko dira lehian, hiru bikoteko bi multzotan banatuta
Sagardoaren Txapelketaren lehenengo fasea amaitu da
Urriza-Zubiri, Goikoetxea V-Barrenetxea IV, Segurola-Azpoiroz eta Ansa II-Juanenea bikoak sailkatu dira