HERRI KIROLAK/AIZKORA/HARRIA
Herri kirol jaialdia Oñatin
![86350237_1263625917166427_3589244353257668608_n](https://ehkirola.eus/wp-content/uploads/2020/02/86350237_1263625917166427_3589244353257668608_n-e1581938042683.jpg)
Herri kirol jaialdia jokatu zuten igande eguerdian, Oñatiko Foruen plazan
Gizonezkoen aizkorari dagokionez, lau bikote gazte lehiatu ziren eta horietako hiru pasa dira Urrezko Binakako Aizkolari Txapelketako finalera. Emakumezko bi aizkolari ere aritu ziren nor baino nor gehiago. Azkenik, bi harri-jasotzailek ere erakustaldia eskaini zuten.
23 urtez azpiko gizonezko zortzi aizkolari izan ziren Oñatiko plazan, eta horiek bi multzotan banatu zituzten: batetik, Basozabal eta Larrea bikotea Ezpeleta eta Zabalaren aurka lehiatu zen; eta bestetik, Zelai IV eta Suharri bikoteak Kañamares anaiak izan zituen aurkari.
Bi probetan aritu ziren elkarren aurka –erlojupekoa eta lau enborren mozketa–, eta azkenean Suharri eta Zelai IV bikotea, eta Basozabal eta Larrea izan ziren irabazleak. Bidenabar, multzo bakoitzaren irabazleak ere Urrezko Binakako Aizkolari Txapelketako finalerako txartela eskuratu zuen.
Irabazi ez zutenek –Kañamares IV eta Kañamares V, eta Ezpeleta eta Zabala– haien artean neurtu ziren eta Ezpeletak eta Zabalak eskuratu zuten finalerako hirugarren eta azken pasea. Kañamares anaiak aldiz txapelketatik at gelditu ziren.
Emakumezkoen artean Maika Ariztegi eta Itxaso Onsalo lehiatu ziren. Ariztegik eskuratu zuen garaipena bere lana 5 minutu eta 10 segundutan amaituta, Onsalok minutu bat gehiago behar izan zuelarik. Horrela Maika Ariztegi eskuratu du finalerako txartela, dagoeneko sailkatuta zeuden Irati Astondoa eta Nerea Sorondorekin batera.
Harri jasotze lanetan Urdax Magunazelaia izan zen garailea, 4.225 kilo jaso zituen eta bere aurkariak 3.375 kilo.
Igandeko probaren aurretik dagoeneko biak zeuden finalerako sailkatuta (Xabier Peñagarikanorekin batera), halere, Oñatin lehiatutakoak finala jokatzeko ordena zehazten lagundu zuen.
![](https://scontent-mad1-1.xx.fbcdn.net/v/t1.0-9/86218521_1263625587166460_8904900246216114176_n.jpg?_nc_cat=101&_nc_oc=AQmAsdFAck8ZFYVtTPTS0KJGwcItYkXX9WY_tmiHXKePlxaBELUO_FcjZfsx0UWGTT8&_nc_ht=scontent-mad1-1.xx&oh=02549ab572d9347b100276ff561d35ea&oe=5EB6D498)
![](https://scontent-mad1-1.xx.fbcdn.net/v/t1.0-9/86267327_1263625623833123_2996213466802421760_n.jpg?_nc_cat=109&_nc_oc=AQmZKya-6XnIPA9Le-ijio5ROesjMjcW0DYraGBFh2ND9c-xDVVEAT31jFrgB015wa4&_nc_ht=scontent-mad1-1.xx&oh=75e95cb3a3f84127a3f0ab7a890e251e&oe=5EBA895F)
Andoni Iruretagoiena eta Karmele Gisasola, Pentatloi txapeldunak
Izeta VI.ak irabazi zuen banakako IV. Euskal Pentatloi Saria, eta Zelai III.ak Emakumezkoen I. Pentatloi Txapelketa
Bizkaiko lasto jasotze eta bigarren mailako aizkora txapelketak jokatu dira Diman
Lasto jasotzen Joxe Martin Bustinza izan zen txapelduna eta aizkoran Beñat Lekue nagusitu zen
Nafarroako Arpana Txapelketa mistoaren finala zehaztu da
Berriozarren jokatutako kanporaketan lau bikote sailkatu ziren txapela lortzeko lehian aritzeko