MENDI LASTERKETAK
Gontzal Murgoitio eta Onditz Iturbe nagusi Sorginen Lasterketan
![17849_1600516185](https://ehkirola.eus/wp-content/uploads/2020/09/17849_1600516185.jpg)
Sorginen Lasterketako XIII. edizioan, Gontzal Murgoitio gazteak marka guztiak hautsi eta errekor berria ezarri zuen, 1:37:52ko denbora eginda. Emakumezkoetan Onditz Iturbek lortu zuen garaipena.
Zailtasunak zailtasun, Sorginen Lasterketako antolatzaileek probarekin aurrera egitea erabaki zuten eta korrikalariek gogotsu erantzun zioten erabakiari. izen-ematea guztiz beteta.
Hartara, 300 parte-hartzaile izan ziren Axpeko irteera puntuan, tartean Euskal Herriko korrikalaririk onenetarikoak:
Emakumeetan, Oihana Azkorbebeitia, Eztizen Duque, Nahia Quincoces, Garazi Sampedro, Ainara Urrutia, Maider Fraile eta Ainara Uribarri aipatu daitezke. Gizonetan, Imañol Goñi iazko irabazlea, Xabier Zarranz, Asier Larruzea, Beñat Katarain, Gartzen Elejabarrieta, Gontzal Murgoitio, Aitor Ajuria eta Markel Urigoitia, besteak beste.
Aurten, azken urteetako ibilbideari eutsi diote, hau da, Anboto tontorretik igaro dira. Axpetik abiatu, eta Andastotik Zabalaundira igo dira, eta han Anboto tontorrerako igoera hasi zuten, ondoren, Asuntza aldetik jaitsi direlarik. Lasterketako azkenengo igoera Artolarakoa izan da, eta handik Axpeko helmugara jo dute. Guztira, 17,8 kilometro eta 1.300 metroko desnibel positiboko ibilbideari aurre egin diote parte-hartzaileek.
Azkenean, aurtengo Sorginen Lasterketak protagonista nagusi bat izan zuen beste guztien gainetik: Gontzal Murgoitio 19 urteko elorriarra. Proba irabazi ez ezik, iaz Imanol Goñik ezarritako marka (1.39.40) nabarmen hobetu zuen: 1.37.53.
Hala ere, Imanol Goñi lehenengo tokian eta bakarrik igaro zen Anbototik, eta minutu bateko aldea ateratzen zion Murgoitiori, baina aldapan behera alde osoa jan zion, eta, tarte teknikoa amaitu zenean, aurreratu egin zuen. Ondoren, Murgoitiok ez zuen erritmoa moteldu, eta inondik inora itxaroten ez zuen marka ezarri zuen helmugan. Bigarren postuan Xabier Zarranz helmugaratu zen eta hirugarren Beñat Katarain.
Emakumeetan aldiz, Onditz Iturbek irabazi zuen Sorginen Lasterketa, Oihana Azkorbebeitiaren eta Eztizen Duqueren aurretik.
Oihana Kortazar eta Asier Larruzeak irabazi dute Txindokiko Kilometro Bertikala
11 urte geroago berriz lehiatu zuten larunbatean 3,6 kilometro eta 980 metroko desnibela duen lasterketa
Joseba Larralde eta Itxaro Zabaletak irabazi dute Goizutrail lasterketa
Eki Imaz eta Guratz Azpiroz, 10 kilometrokoan eta Olatz Zabala eta Ion Alzuri, 25 kilometrokoan, erreleboka izan ziren gainontzeko garaileak
Julen Azpiazuk eta Maite Bikendik irabazi dute Sare Eguneko krosa
Kirolak eta aldarriak bat egin dute V. Sare Kros Herrikoian