HERRI KIROLAK/SOKATIRA

Gaztedi Ak jantzi du 560 kiloko txapela

by | 2021/07/19

Argazkiak: egursport.com

Lur gaineko Euskadiko Sokatira Txapelketako 560 kiloetako azken jardunaldia lehiatu zen pasa den larunbatean Laukizen, non Gaztedi A taldeak berriro ere eskuratu zuen garaipena, hartara lehiaketako hiru jardunalditan irabazita kategoriako txapela jantzi zutelarik.

Pisu honetan aritu diren taldeak honakoak izan dira: Gaztedi ‘A’, Gaztedi ‘B’, Gaztedi ‘C’,  Mutriku, Goiherri eta Akelarre.

Aurreneko jardunaldia uztailaren 3an lehiatu zen  Laukizen, non Gaztedi A (6 puntu) taldea nagusitu zen, Goiherri (5 puntu) bigarren sailkatu zelarik. Gaztedi B (4 puntu) eta Akelarre (3 puntu) sailkatu ziren hirugarren eta laugarren, hurrenez hurren eta azkenik Mutriku (2 puntu) izan zen bosgarren eta Gaztedi C seigarren (1 puntu).

Uztailaren 10ean, Erandioko Goierri auzoan jokatu zuten bigarren jardunaldia. Gaztedi A (6 puntu) tiraldi denak irabazita nagusitu zen, eta haren aurka soilik galduta Goiherri (5 puntu) sailkatu zen bigarren. Horien atzetik, Gaztedi B (4 puntu) eta Akelarre (3 puntu) geratu ziren, Mutriku izan zen bosgarren (2 puntu) eta Gaztedi C  seigarren. Berdinketa gabeko saioa izan zen.

Azkenik, iragan larunbatean, uztailak 17, hirugarren eta azken jardunaldia jokatu zen Laukizen, honako emaitzak izan zirelarik:

Hirugarren jardunaldiko sailkapena:

1- Gaztedi A 6 puntu

2- Goiherri 4,5 puntu

3- Gaztedi B 4,5 puntu

4- Akelarre 3 puntu

5- Mutriku 2 puntu

6- Gaztedi C 1 puntu

Txapelketako hiru jardunaldiak jokatu ondoren beraz, honela geratu da sailkapen nagusia:

1- Gaztedi A 18 puntu (6+6+6)

2- Goiherri 14,5 puntu (5+5+4,5)

3- Gaztedi B 12,5 puntu (4+4+4,5)

4- Akelarre 9 puntu (3+3+3)

5- Mutriku 6 puntu (2+2+2)

6- Gaztedi C 3 puntu (1+1+1)    

Aurrera begira eta aurtengo Euskadiko Lur Gaineko Txapelketari amaiera emateko, hilaren 23an lehiatuko dute 580 kiloko kategoria mistoko txapelketa, Gatikako Butroe auzoan, jardunaldi bakarrera.

2021eko Lur Gaineko Euskadiko Sokatira Txapelketaren egutegia:

580 KILO MISTOA: Uztailaren 24an gatikan, Gaztedi A, Gaztedi B eta Gaztedi C arituko dira.