HERRI KIROLAK/SOKATIRA
Gaztedi A nagusitu da 560 kiloko lehenengo jardunaldian
![200601905_1654290204766661_8509534318051797307_n](https://ehkirola.eus/wp-content/uploads/2021/07/200601905_1654290204766661_8509534318051797307_n-e1625565192362.jpg)
Euskadiko 560 kiloko sokatira txapelketaren lehen jardunaldia irabazi du Gaztedi ‘A’ taldeak
2021eko Lur Gaineko Euskadiko Sokatira Txapelketaren 560 kiloko kategoriako aurreneko jardunaldia jokatu zen pasa den larunbatean, uztailak 3, Laukizen.
Pisu horretan aritzen diren taldeak (600 kiloko txapelketan lehiatu ziren taldeak jarraitzen dute, Getxoko sokatira taldea izan ezik) elkarren aurka lehiatu ziren txapelketan: Gaztedi ‘A’ taldeak eskuratuz puntu gehien, 6.
Hain zuzen, orain arte dena irabazi duen Gaztedi A etxeko taldea nagusitu zen larunbateko saioan ere, aurrekoetan bezala Goiherri bigarren sailkatu zelarik ere. Gaztedi B eta Akelarre sailkatu ziren hirugarren eta laugarren, hurrenez hurren eta azkenik Mutriku izan zen bosgarren eta Gaztedi C seigarren.
560 kiloko 1. Jardunaldiko emaitzak:
Gaztedi ‘A’ 6 puntu
Goiherri 5 puntu
Gaztedi ‘B’ 4 puntu
Akelarre 3 puntu
Mutriku 2 puntu
Gaztedi ‘C’ 1 puntu
560 kiloko bigarren jardunaldia datorren larunbatean, uztailak 10, jokatuko dute Erandioko Goiherri auzoan. 17:00etatik aurrera berriz ere sei taldeak denek denen aurka lehiatuko direlarik. Uztailaren 17an jokatuko dute hirugarren eta azken jardunaldia, oraingo honetan berriz ere Laukizen, eta orduan argituko da zein den aurtengo txapelduna
Gero, aurtengo Euskadiko Lur Gaineko Txapelketari amaiera emateko, hilaren 23an lehiatuko dute 580 kiloko kategoria mistoko txapelketa, Gatikako Butroe auzoan, jardunaldi bakarrera.
2021eko Lur Gaineko Euskadiko Sokatira Txapelketaren egutegia:
560 KILO: Uztailaren 3 (Laukiz), 10 (Goiherri-Erandio) eta 17an (Laukiz). Goiherri, Akelarre, Getxo, Gaztedi A, Gaztedi B eta Gaztedi C.
580 KILO MISTOA: Uztailaren 24an gatikan, Gaztedi A, Gaztedi B eta Gaztedi C arituko direlarik.
Twitter
Sokatira Mundialaren lehen jardunaldia jokatu da Getxon
Euskal tiratzaileek hiru domina irabazi dituzte taldekako lehen jardunaldian, denak Laukizko Gaztediren eskutik
Sokatira Mundiala. Sokatira, kirol olinpikoa
Deialdi olinpikoetan parte hartu zuen sokatirak 1.900 eta 1.920 artean. Gerora, egitarau ofizialetik at gelditu zen, partehartzaile kopurua murrizteko erabakian
Batirtze Ispizua eta Nerea Egurrola, Bizkaiko txapeldun
Bizkaiko Trontza Txapelketa lehiatu zuten pasa de igandean Sopelan