EUSKAL PILOTA
Eusko Label Binakako Pilota Txapelketaren finalerdiak jokatu dira
![274246917_256997166586187_734754976294672618_n](https://ehkirola.eus/wp-content/uploads/2022/02/274246917_256997166586187_734754976294672618_n-e1645345981394.jpg)
Azken txanpan dago Ados Pilota klub profesionalak antolatutako Eusko Label Binakako Txapelketa, asteburu honetan argitu delarik zein lau bikote arituko diren Lehen eta Promozio mailetako finaletan, hilaren 27an, Azkoitiko Gurea pilotalekuan.
Abenduaren 26an eman genion hasiera Eusko Label binakako txapelketari eta larunbat honetan finalerdiak jokatu ziren Amurrion. Tentsio handia nabaritu zen kantxan jokatu ziren hiru finalerdietan. Jaialdiari hasiera emateko promozio mailako pilotariak aritu ziren lehian. Santosek eta Urrizak ez zuten hutsik egin eta nagusitasunez irabazi zuten partida, 22-10 Mondragon eta Zaldainen kontra. Hala eta guztiz ere tanto lehiatu eta onak ikusteko aukera izan zen lau pilotarien eskutik. Honela, Santos eta Urriza, aurretik finalerako txartela lortua zuten Rodriguez eta Mondragon II.aren kontra jokatuko dute finala .
Lehen mailako lehen finalerdian berriz, Iturriaga-Egaña eta Kortazar-Iraetaren arteko partida markagailuak erakusten duena baina gogorragoa izan zen. 50 minutu iraun zuen norgehiagokan urdinak bikain ekin zioten partidari, atzean Oihana nagusituz eta aurrean berriz Ainhoa errematean bikain. Gorriek erdira arte defentsa lan handia egin behar izan zuten partiduari eusteko. Erditik aurrera, ordea, partida aldatu egin zen. Iturriagak eta Egañak pilota aldatzea erabaki zuen eta ateratako pilota horrekin min egiten hasi ziren. Uxue atzean sendo eta Iturriaga aurrean asko asmatzen hasi zen. 11-12 galtzen joatetik ia 22rainoko bidea egitea igaro ziren, txapelketa guztian eman duten maila berretsiz. Azkenean 22-12 irabazi zuten Iturriagak eta Egañak.
Bigarren finalerdia ere bete betekoa izan zen. Bikote indartsua osatzen dute Zelaiak eta Lopezek. Biek ikaragarri astintzen dute pilota eta horrelaxe ekin zioten partidari. Mujikak oso atzetik erantzun behar izan zien haien pilotakadei eta aurrean Zelaiak aukerako pilota hartzen zuen. Dena den Etxekolonea zubietarrak defentsan lan handia eginez eta gorrien huts batzuk tarteko, markagailuan alde handirik gabe segitu zuten. Alde handiena 17-12koarekin lortu zuten baina urdinek ez zuten amore eman, Mujikaren bolea ikusgarri bati esker 18-17 ere hurbildu baitziren. Azken txanpan, aldiz, gorriek hobe jokatu zuten eta garaipena lortu zuten.
Gauzak horrela, datorren igandean, otsailaren 27an, 12:00etan hasita jokatuko dituzte finalak Azkoitiako Gurea pilotalekuan, EITBk zuzenean emango duen jaialdian. Promozio mailako finalean Rodriguez leitzarra eta Mondragon, Santos eta Urrizaren kontra arituko dira. Lehen mailako finalean, berriz, Iturriaga leitzarra eta Egaña, Zelaia eta Lopezen kontra ariko dira.
Nafarroako Foru Komunitateko Torneoko eskuzko finalak, igandean
Navarra Arena frontoia emakumezkoen esku pilota onenaren erakusleihoa izango da
Hiru bikote sailkatu dira finalerdietara azken jardunaldiaren faltan
Ansa II.a-Juanenea edo Ezkurra II.a-Zaldua I.a bikoteentzat izango da azken txartela
Laxoa Txapelketako bigarren itzuliari ekin diote
Irurita Miguelene eta Doneztebe The Moment nagusitzen ari dira momentuz laxoa txapelketan