Larunbat honetan Portugalgo Madeira uhartean ospatu den SkyRunner Munduko Kopako bigarren proban parte hartu zuen Euskal Selekzioak, Euskal Herriko lasterkari sasoikoenetako batzuk bertan izan zirelarik, zehazki, honako hauek:

• Sara Peña (1. Nafarroa Xtrem 68K 2022)
• Maud Combarieu (1. Bidarrai BK24 2022)
• Pello Berrizbeitia (4. Domusa Teknik 40 mlk 2022)

Munduko zirkuituko lasterketarik luzeenetakoa da honakoa, 55 kilometro lasterka egin eta 4.000 metroko desnibela positiboa gainditu behar izan baitzuten. Gogorra izan zen, halaber, azken egunotan izandako euri-metaketaren ondorioz lurraren hezetasun eta irristakortasunagatik.

Selekzioko bi emakumezko korrikalariek Top 5 egin zuten: Sara Peña laugarren sailkatu zen eta Maud Combarieu bosgarren. Gainera, beteranoen podiumean posturik altuenak lortu zituzten ere.

Peñak eta Combarieuk oso antzeko denboretan osatu zuten ibilbidea: 7:40:12 eta 7:41:29, hurrenez hurren. Hori bai, Virginia Perez irabazlearengandik urruti, izan ere, espainiarrak 7:15:19ko denboran osatu zituen 55 kilometroak.

Gizonezkoen kategorian, txapelketa gogorragoa izan zen eta Peter Fraňo eslovakiarrak irabazi zuen 5:47:37ko denborarekin. Euskal Selekzioaren Pello Berrizbeitia lasterkariak, berriz, hamahirugarren postua lortu zuen, 6:51:05 segundoko denborarekin.

Emaitzak:

Emakumezkoak

1. Virginia Perez Boa Fit System 7:15:19
2. Anna Ongaro Prorunners Barcelona 7:30:36
3. Silvia Puigarnau Brooks Running 7:38:51
4. Sara Lizarralde Basque Selection 7:40:12
5. Maud Combarieu Basque Selection 7:41:29

Gizonezkoak

1. 1. Peter Fraňo Team Salomon 5:47:37
      2.  Sebastian Ljungdahl Team Hälle 5:49:42
      3.  Raul Butaci Team Merrell  6:06:17
      4.  Luis Fernandes Equipo Ludens Clube de Machico  6:06:17
      5. Dario Moitoso Equipo Scott Running  6:14:27

   13. Pello Berrizbeitia Basque Selection 6:51:05