EUSKAL PILOTA

Euskal Herriko Pala Txapelketa Irekia jarri dute berriro martxan

by | 2020/07/03

Argazkiak: Girizia Pala Txapelketa

Hiru hilabete eta erdiko etenaldiaren ondoren eta segurtasun neurri guztiak beteta, asteburu honetan bueltatuko da berriro Giriziaren txapelketa

 

Urtarrilean hasi zen Oiartzunen Euskal Herriko Pala Txapelketa irekiaren aurtengo edizioa eta otsailean jokatu zituzten azken partiduak.

Euskal Herriko Pala Txapelketa Irekia negu eta udaberri arteko kontua izan ohi da, bataz beste 4 hilabeteko iraupena izaten duelarik, baina aurten udaran bukatu beharko dute, abuztuan zehazki.

GIRIZIA elkarteak jarraian antolatzen duen XXXVIII. edizioa da aurtengoa eta paleta gomaz jokatzen da urtero. Gizonezkoen bikoteek hiru mailatan banatuta (1-2 eta 3.maila) jokatzen dute eta guztira 80 bikotek hartzen dute parte, Nafarroa, Gipuzkoa, Bizkaia eta Arabako partaidetzarekin. Tamalez, nesken mailan bikote gutxi izaten dira animatzen direnak (gehienak gazte mailan).

COVID-19ak eten zuen txapelketa, bigarren fasean zenean baina orain, Girizia elkarteko pilota sailak jakinarazi duenez, honako asteburuan txapelketa bueltatuko da.

Oiartzungo Udalaren baimena jaso dutela adierazi dute, eta segurtasun neurri guztiak beteko dituztela. Partidak, —hau ez da aldatuko— Madalensoro pilotalekuan jokatuko dituzte.

Txapelketa bigarren fasean sartuta dago eta hemendik aurrera, partida guztiak kanporaketa modura jokatuko dituztela azpimarratu dute.

Beraz, uztailaren 4an eta 5ean, bigarren faseko partiduak eta kanporaketak jokatuko dira Madalensoro pilotalekuan, eta dena ondo bidean, abuztuaren hasierarako bukatuko dute txapelketa.

EUSKAL HERRIKO PALA TXAPELKETA IREKIA

PARTIDUAK (OIARTZUN):

 

Uztailak 4. Larunbata. Goizeko 8:15tan

3. maila: Bereziartua – Markos / Unsuain – Fierro

1.      “     Salaberria – Huegun / Arriaga – Unda

1.      “     Urrutia – Madariaga / Elejalde – San Miguel

2.      “     Mitxelena- Luarizayerdi / Ormazabal – Muñoa

Uztailak 4. Larunbata. Arratsaldeko 15:00tan

2. maila: Arana – Gomez /Zapiain – Lekuona

3.      “     Agirre – Mendigain / Vela – Flores

3.      “     Ferreiro – Goñi / Zurutuza – Manterola

Uztailak 5. Igandea. Goizeko 8:15tan

2. maila:  Salegi- Matxain / Luixa –Luluaga

2.      “      Muñiz – Gametxo / Garbisu – Martinez

3.      “      Ituarte – Manzisidor / Vitoria – Vitoria

3.      “      Vicente – Arizabalo / Sonia – Ginea

Uztailak 5. Igandea. Arratsaldeko 15:30ean

3. maila:  Hernandez – Suspe / Aizpurua – Ruiz

3.      “     Alegria – Esoain / Mikela – Zelaia

1.      “     Aizpurua – Bikutze / Txoperena – Gastesi

Twitter

Pilota

Erkiaga eta Zabala, txapeldun

Erkiaga eta Zabala, txapeldun

2022/03/21

Aritz Erkiagak eta Jon Zabalak bi setetan gainditu dituzte Iñaki Osa Goikoetxea eta Aimar Aldazabal (7-15 eta 12-15)